Til hamingju konur

Í dag er kvennréttindadagurinn. Óska öllum konum til hamingju með daginn. 

Það eru aðeins 92 ár síðan konur fengu kosningarétt og það voru aðeins konur sem voru orðnar 40 ára og eldri sem fengu kosningarétt en það var 19. júní árið 1915 sem danski konungurinn staðfesti kosningarrétt kvenna. Með því urðu íslenskar konur þær fyrstu í heimi til að fá almennan kosningarrétt og kjörgengi.

Því miður er enn langt í land hvað varðar jafnrétti kynja í heiminum í dag.

Áfram konur  

17. júní

Gleðilega hátíð. 

Fastur liður hjá Kópavogsbæ á 17. júní er að brassbönd Skólahljómsveitar Kópavogs ekur um bæinn á pallbíl og spilar fyrir bæjarbúa. Þetta er skemmtilegur siður og kemur öllum í gott skap. Mjög margir rjúka út að glugga eða út á hlað til að njóta tónlistarinnar.  Reyndar fannst mér þeir keyra full hratt um hverfið þetta árið.

 

Getur verið hættulegt að vera tillitssamur í umferðinni?

Á brúnni við Bústaðaveg á móts við Kringlumýrarbraut eru alltof tíðir árekstrar. Þrátt fyrir að þarna séu mislæg gatnamót þyrfti að bæta við beygjuljósum til að fyrirbyggja þær hættur sem orsaka langflesta árekstra á þessum stað. 

Þeir sem aka austur Bústaðaveginn og ætla að beygja til vinstri í áttina að Kringlunni þekkja þetta vandamál. Oft hef ég séð góðviljaða bílstjóra á vinstri akrein sem eru á leið til Kópavogs ætla að gefa þeim sem bíða, eftir að komast yfir vegin, tækifæri að skjótast þvert yfir Bústaðaveginn í áttina að Kringlunni.  Þetta gerist oft á álagstímum.

Þá gleymist eða þá að menn athuga ekki að á hægri akrein koma bílar á fullri ferð á leiðinni vestur Bústaðaveginn í átt að miðborginni. Þeir lenda á þeim sem aka þvert yfir í veg fyrir þá, en sáu þá ekki koma vegna þess að bílarnir á vinstri akrein (þeir sem eru á leið í Kópavoginn) hindra sýn.  

Með tiltölulega litlum tilkostnaði eða breytingum væri hægt að minnka verulega þessa hættu sem þarna skapast daglega, ekki síst á álagstímum. Tryggingafélögin mættu fjárfesta í umferðarljósum á þetta götuhorn til forvarnarstarfs.

Sjálfur íhuga ég stundum hvort ég eigi að velja aðra leið, þó ég þyrfti starfsins vegna að fara þarna um daglega.  Sérstaklega á álagstímum.

 Svo á það að vera sjálfsagður hlutur að gefa öðrum vegfarendum tækifæri að komast leiðar sinnar en þarna getur það hefnt sín.  

Þetta er flott

Eitt ár dugar ekki til að sjá hvort þetta gengur.  En þetta er flott hjá Kópavogsbæ og vonandi samþykkja fleiri bæjarfélög gjaldfrjálst verð í Strætó.  Annars verður gaman að sjá hvernig Sjálfstæðisflokkurinn í Reykjavík svarar þessu útspili Sjálfstæðismanna í Kópavogi.    Er ekki bæjarfulltrúi Sjálfstæðismanna í Kópavogi líka stjórnarformaður Strætó?

Frítt í strætó fyrir Kópavogsbúa

Eru hljóðvarnarveggir við vegi of háir?

Oft hef ég velt því fyrir mér hvort þörf sé á að hafa hljóðvarnarveggi meðfram vegum eins háa og þeir eru í dag t.d. í íbúðahverfum.   Ég get vel skilið að þeir sem búa nálægt miklum umferðaþunga þrái meira næði. Umferð er hávær, um það þarf ekki að deila.  Ég veit að Vegagerðin og örugglega fleiri hafa látið gera rannsóknir á hljóðvarnarveggjum. (www.vegagerdin.is/hljoðvarnir).   

Hljóðvarnarveggir eru um þessar mundir byggðir í allt að 2ja metra hæð ef ekki hærra.  (Grasveggir) Vandamálið er að með svo háum veggjum er oft útsýni fórnað. Fjallasýn hreinlega hverfur.

Dæmi um þetta má sjá t.d. í Áslandshverfinu í Hafnarfirði, á Arnarneshæðinni og víðar.

Fleiri úrlausnir mætti skoða til að leysa þennan vanda.  Ég tel að víða dygði að hafa þessa veggi það háa að þeir næðu rétt upp fyrir dekkin á bifreiðum eða upp að rúðum á venjulegum bílum. 

Malbikið á Íslandi er gróft miðað við annarsstaðar sem gerir það háværara.  Kannski er það nauðsynlegt til að auka veðrunarþol malbiksins.  Eflaust eru heilmikil fræði sem tengjast þessu. 

Er ekki stundum of miklu fórnað með þessum háu veggjum þegar fallegt útsýni hreinlega hverfur?

Flottar myndir hjá Erró

Ég brá mér í Hafnarhúsið í Tryggvagötu í dag og skoðaði nokkrar sýningar sem þar eru í gangi.

Loksins sá ég flottar myndir eftir Erró.  Erró er reyndar algjör snillingur en hann hefur bara ekki verið í uppáhaldi hjá mér. 

http://www.listasafnreykjavikur.is

Eins og segir á heimasíðu safnsins um Errósafnið þá var það að beiðni Parísarborgar að Erró gerði stóra veggmynd á fjölsbýlishús við götuna Baron Le Roy í Bercy hverfinu árið 1993. Veggmyndin er samantekt myndanna átta, Gauguin, Matisse, Magritte, Picasso, Otto Dix, Portrett Expressjónistanna, Léger og Miro frá árunum 1991-1992 sem Erró gaf Reykjavíkurborg um svipað leyti.

Gaman að sjá þessi verk þar sem hann fjallar um t.d. Gauguin og Matisse.  Þetta eru risamyndir og ekki eins ruglingslegar eins og oft áður.  Reyndar finnst mér svörtu línurnar of áberandi í sumum myndunum og taka of mikla athygli.

Hvet alla sem geta að sjá þessa sýningu.

Sýningin My Oz, Roni Horn í Hafnarhúsinu er líka skemmtileg.  

Til hamingju Reyðfirðingar og aðrir Austfirðingar

Ég vil óska öllum íbúum Austurlands og þá sérstaklega Reyðfirðingum til hamingju með daginn.  Þetta er mikill gleðidagur fyrir mína gömlu heimabyggð.   

Það er gleðilegt að sjá hve góð framtíð Reyðfirðinga er í dag. Uppbygg staðarins síðustu ár hefur verið með ólíkindum.  Það er augljóst að ungt fólk hefur tekið ákvörðun um að búa í Fjarðabyggð t.d. eftir framhaldsnám.  Þá er gaman að sjá að hve margir brottfluttir Reyðfirðingar sem og aðrir fyrrverandi íbúar Austurlands hafa tekið ákvörðun um að flytja aftur heim. 

Engir vita það betur en íbúar staðarins hve mikil lyftistöng þetta verkefni er fyrir Austurland.

Áður en álverið kom voru tækifærin ekki mörg.  Íbúar voru orðnir langþreyttir á að bíða eftir tækifærum sem alltaf voru innan seilingar.  En um það má örugglega deila.  

Það eitt að álverið skyldi koma á staðinn hefur leitt til margra góðra hluta.  Fólk trúir á að það sé framtíð í því að búa á Austurlandi. Íbúðaverð hefur hækkað og almennt er meiri bjartsýni hjá fólkinu.

Ég held að leitun sé að öðrum stað þar sem jafnmikil stakkaskipti hafa átt sér stað á jafn skömmum tíma.

Stærsti sigurinn er að hugarfar íbúa Austurlands hefur breyst, jákvæðni og framkvæmdagleði er ríkjandi. 

Álverið á Reyðarfirði opnað í dag

Að kunna að bjarga sér

Eins og gengur og gerist þá eiga flestir krakkar mörg áhugamál.

Strákurinn minn (11 ára) er svo sem engin undantekning frá þessu.  Fótbolti, körfubolti og spilað á gítar svo eitthvað sé nefnt.   Ætla ekki að telja upp hvað hann á marga bolta.  

Þessa daganna er hann mjög upptekinn af hjólabrettum.   Fínt mál.  En eins og gengur og gerist þá þarf auðvitað aðstæður til að stunda þessar íþróttir.   Það þykir allavegana eðlilegt í dag.   Það er fín aðstaða við skólann hans til að spila bæði fótbolta og körfubolta. Svo æfir hann með HK í fótbolta og þar er flott aðstaða.

En þegar kemur að brettanotkun þá hefur honum verið keyrt víða um höfuðborgarsvæðið t.d. í Breiðholtið eða niður á Ingólfstorg, til að leika sér á brettabraut. Höfum ekki rekist á brettasvæði í nágrenni Hjallaskóla.  Að vísu er steypt svæði við Snælandsskóla en það er alltaf þakið grjóti og ómögulegt að renna sér þar. 

Það fór dágóður tími í það um helgina að ræða þetta brettaaðstöðuleysi sem endaði svona:

Hann: Pabbi? Afhverju skrifar þú bara ekki Gunnari bæjarstjóra og biður um eina braut hér í hverfið?

Hvað átti ég að gera?      Skrifa og biðja um eina braut?  hmmmm   Greinilega efins pabbi um jákvæð viðbrögð bæjaryfirvalda. 

Ég: Af hverju prófar þú ekki að skrifa Gunnari Birgis sjálfur og útskýrir fyrir honum málið? Ég er viss um að hann hlustar frekar á þig en mig.  

Hann: Ég?  Hvernig á ég að gera það?  Það er ekkert hægt að skrifa honum. Ég kann það ekkert.

Ég: Skrifaðu bara það sem þér finnst á blað og farðu svo inná www.kopavogur.is og finndu bæjarstjórann þar.

Viti menn,  litli kappinn skellti sér inná internetið og skrifaði bæjarstjóranum fyrirspurn og sendi.    

Rökin hjá honum fyrir því að fá brettapall í hverfið voru þau að það væri ómöglegt fyrir unga krakka að geta ekki stundað íþróttir nærri heimili sínu.

 Það verður gaman að sjá hvort hann fær svar?

Verður meira götulíf í miðborginni í sumar?

Ætli reykingabannið auki mannlíf miðborgarinnar í sumar?   Í dag þegar ég var á ferðinni í miðborginni með fjölskyldunni þá sá ég að reykingabannið neyðir greinilega marga gesti veitingastaða til að standa úti á götu til að fá sér "smók".  

Eigendur veitingastaða hljóta að bregðast við banninu á einhvern á hátt? Opna t.d. útibar eða kaffiaðstöðu utandyra með gashiturum.  Það er þekkt erlendis.

Er nokkuð bannað að reykja utandyra? Spyr sá sem ekki veit.  

Mannlífið verður meira áberandi með gestum sitjandi úti í stað þess að hanga inni.   

Only great minds can read this

fi yuo cna raed tihs, yuo hvae a sgtrane mnid too

Cna yuo raed tihs? Olny 55 plepoe out of 100 can.

 

i cdnuolt blveiee taht I cluod aulaclty uesdnatnrd waht I was rdanieg.

The phaonmneal pweor of the hmuan mnid, aoccdrnig to a rscheearch

at Cmabrigde Uinervtisy, it dseno't mtaetr in waht oerdr the ltteres in

a wrod are, the olny iproamtnt tihng is taht the frsit and lsat

ltteer be in the rghit pclae.

The rset can be a taotl mses and you can sitll raed it whotuit a pboerlm.

 Tihs is bcuseae the huamn mnid deos not raed ervey lteter by istlef,

but the wrod as a wlohe. Azanmig huh? yaeh and I awlyas tghuhot

slpeling was ipmorantt! if you can raed tihs forwrad it

Þetta er nú eitthvað sem reynir á heilann.