Stöðumælasektir

Stöðumælasektir!

Ætli hann hafi aldrei verið með klink í vasanum?   Eða var það kannski lenska að fá allt að láni?       Spyr sá sem ekki veit.   

Newcastle með kröfu í bú Baugs

Koffín og börn

Skuggaleg niðurstaða ef þetta er rétt.  Gestaprófessor við Háskólann í Reykjavík, dr. Jack James, segir ýmsar samlíkingar vera milli markaðssetningar koffíniðnaðarins á drykkjum sínum og þekktrar hegðunar tóbaksfyrirtækja.

Markhópurinn sé greinilega börnin okkar og unglingar, þar sem það hefur orðið algjör sprenging í framleiðslu koffíndrykkja fyrir ungt fólk, hvort sem það er gos eða orkudrykkir og jafnvel koffínpillur.  

Það sé beinlínis gefið í skyn í auglýsingum að þú getir orðið einhvers konar ofurmanneskja með því að neyta þeirra.   

Jæja, best að fá sér smá vatnssopa.   

Koffín fyrir krakka?

Hætta að kynna íslenskar vörur til að mótmæla hvalveiðum

 Verslanakeðjan Whole Foods Market í Bandaríkjunum hefur hætt að kynna íslenskar vörur í verslunum sínum í mótmælaskyni við hvalveiðar Íslendinga.

Er þetta ekki dæmigert.    Þeir vita greinilega ekki hvað eru veiddir margir hvalir við strendur USA, enda myndi það sjálfsagt ekki henta verslunarkeðjunni. 

Bandaríkin er sennilega mesta hvalveiðiþjóð heims.   

Það væri gaman að vita hve mikil markaðshlutdeild Íslenskra vara er hjá Whole Food Market?

Hætta að kynna íslenskar vörur

Steingrímur kjörinn með lófataki

Steingrímur J. Sigfússon verður áfram formaður Vinstrihreyfingarinnar græns framboðs, en hann var kjörinn með lófataki á landsfundi flokksins í dag. Engin mótframboð komu fram á fundinum.

 Steingrímur er eitthvað svo settlegur og rólegur eftir að hann gerðist ráðherra.     Annað þegar hann var bara þingmaður; þá kreppti hann hnefa og æsti sig nokkrum sinnum.     

Annars var ég bara að velta fyrir mér hvar endurnýjunin væri hjá flokknum þó þetta væri allt fyrirsjáanlegt.   

Steingrímur kjörinn með lófataki

Eftirlit með kosningum í vor

Var að lesa gamla frétt á mbl.

Sendinefnd Öryggis- og samvinnustofnunar Evrópu, ÖSE, sem var hér á landi nýlega, mælir með því að stofnunin sendi eftirlitsmenn til að fylgjast með alþingiskosningunum, sem haldnar verða hér á landi eftir rúman mánuð.

Úff!!!!    Við erum að verða eins og hvert annað "bananalýðveldi" enda varla von,  þegar lögum er breytt rétt fyrir kosningar.  

ÖSE fylgist með kosningunum

100 skref á mínútu

Ný rannsókn bandarískra vísindamanna sýnir fram á að ef fólk vill fá hóflega hreyfingu á hverjum degi þá skal það ganga rösklega í hálftíma. Lykillinn er taka 100 skref á mínútu. Vísindamennirnir fengu út töluna með því að mæla súrefnisþörf líkamans hjá um 100 manns, sem voru látin ganga á hlaupabretti.

 Nú er bara að taka skrefateljarann með í gönguna og halda sér í formi og ekki múður sko.

 Hálftími á dag kemur heilsunni í lag. 

100 skref á mínútu sögð gera gæfumuninn

Farfuglar koma

Nú eru farfuglarnir farnir að sjást við suðurströnd landsins.

Í vetur voru 40 álftir merktar í Bretlandi og er hægt að fylgjast með þeim hér.

Þegar eru nokkrar álftir komnar yfir hafið en ein þeirra lagði af stað um daginn en snéri við vegna veðurs en kláraði svo flugið stuttu síðar.  

Einnig er gaman að fylgjast með komu annarra fugla inn á síðunni fuglar.is 

Þau ættu frekar að hlusta á Tryggva Þór

Forsætisráðherra segir tillögur Tryggva Þórs Herbertssonar til lausnar á vanda heimilanna arfavitlausar og sýna það að kosningayfirboðin séu komin á fullt. Fjármálaráðherra segist vera farin að skilja af hverju bankinn sem Tryggvi rak gekk ekki nógu vel.

Hvað er að þessu fólki?  Eru þetta ekki bara tillögur hjá honum?  

Hvað veit Steingrímur hvernig Tryggvi stjórnaði sínum banka?   Mér finnst þau, því miður, vera komin niður á sama plan og þau ásökuðu Davíð O um á sínum tíma.   Jaðrar við að þetta sé hrokafullt af þeim.

 

Mér finnst að þau ættu að skoða þessa hugmynd áður en þau afgreiða hana sem kosningaútspil og þar með vonlaust mál.   

Húsráð Tryggva Þórs þykja vond

Kunnugleg nöfn!

Eitthvað finnst mér ég kannast við þessi nöfn.    Var ekki verið að kvarta yfir því, fyrir valdaskiptin, að bankaráð Seðlabankans væri of pólitíkst?  

Ég segi bara: Sami grautur í sömu skál.    

Nýtt bankaráð Seðlabankans

Mæður vinna meira

Mæður vinna 40% meira inni á heimilunum heldur en feður án þess að fá greitt fyrir...  segir í fréttinni.  

  Þær eyða 74 klukkustundum í heimilisstörfin versus 53 klst. hjá feðrum.    

Þar höfum við það.        

 

Viðbót:   Líklega er þetta líka tilkomið af því að konur geta klárað tvo hluti í einu eða jafnvel þrjá.    

Mæður vinna 40% meira en feður