Þjóðmál og mínar vangaveltur

Ég er einn af þeim sem hugsa mikið um þjóðmálin í dag. Skrítið.    Ekki það að ég hafi mikið vit á þeim en ég hef skoðun eins og allir aðrir. 

Ég vil ekki að ríkið taki stórt lán.    Ég er hræddur við alþjóðagjaldeyrissjóðinn og þau öfl sem þar eru á bak við.    Ég vil að þjóðin reyni að skapa eins mikil verðmæti og hægt er reyni að snúa vöruskiptum við.   Seljum meira en við kaupum. 

Ég vil að við skoðum inngöngu í ESB gaumgæfilega áður en sú ákvörðun verður ofan á.   Hverju munum við ráða með eitt atkvæði af tuttugu og átta?    bretar munu greinilega þjösnast á okkur eins og þeir geta. Dæmin hafa sýnt það.   Ég vil setja íslensku krónuna á flot svo við fáum raunhæfa krónu í takt við veruleikann þó svo að það verði sárt en það mun jafna sig og við munum ná okkur upp úr þessu.  

Ríkið á að draga úr framkvæmdum nema þar sem mannþörf er  svo ekki verði meira atvinnuleysi.  

Svo vil ég kosningar en ekki fyrr en næsta haust því annars fáum við bara sama fólkið í stjórn.   Flokkar munu ekki ná að skipta út ef kosið yrði t.d. í vor.   Það á að skipta út forustufólki í Seðlabankanum, á alþingi og Fjármálaeftirlitinu því að peningastefnan hér á landi hafi brugðist hrapalega eins og allir vita.    

Við getum komist út úr þessu ástandi en það mun kosta sitt.   Kaupum íslenskt ef við getum.   Við getum þetta.

Áfram Ísland. 

Var þetta kannski bara rangur misskilningur?

Var þetta mál ekkert mál eftir allt saman? Það var alltaf sagt að eignir í bretlandi nægðu fyrir skuldum en það virtist enginn ráðamaður vilja halda því á lofti.    Á nú allt í einu að semja við umheiminn að undirlagi breta sem ætla sér að hafa sitt í gegn? Kannski var þetta rangur misskilningur

Hvað með skaðann sem bretar hafa valdið okkur?  Ætli Geir og Ingibjörg þori, úr þessu, að fara í mál við þá?  Nei, ég held ekki.   

Enda finnst mér tónninn vera:  breskar þotur skulu fá að nota Ísland sem æfingasvæði í desember hvað sem hver segir enda má ekki styggja breta.   

já já það er mikill hæðnistónn í þessu hjá mér.    Það má.      Sjálfsagt leysist þessi deila en fyrir mestu að skuldirnar lendi ekki á okkur.  

Milliríkjadeilunni verður að ljúka

Tuttugu ný sérfræðistörf við álverið í Reyðarfirði

Þetta eru góðar fréttir.   Allt að tuttugu ný sérfræðistörf skapast fyrir austan við álver Alcoa Fjarðaáls í Reyðarfirði.     Vonandi verður þetta til að fleiri störf skapist í kringum þetta verkefni fyrir austan.  

Allt að tuttugu ný sérfræðistörf fyrir austan

Það veit ekki á gott

Það er greinilegt að Geir ætlar ekki að standa við orð sín.  Nú ætlar hann greinilega að semja við breta og Hollendinga.  bretar eru greinilega búnir að knésetja Geir og Ingibjörgu S með baktjaldavinnu og greinilegt að Norðurlandaþjóðirnar ætla að pína okkur að semja um þetta Icesave mál við breta.  Það á að láta málið fyrir dómstóla því ég er sammála sumum að ábyrgðin sé breta þar sem þeir settu hryðjuverkalög á LI-bankann.

Það er verst að þessir sömu flokkar sem nú eru við völd græða á hugsanlegum kosningum í vor því ég held að það sé því miður of snemmt að kjósa strax þó svo ég vildi glaður skipta út þessum ráðherrum fyrir eitthvað allt annað.   Ég er reiður.  

Enginn góður kostur í stöðunni

Tryggvi Þór er snjall og vitur maður sem ætti að hlusta á

Ég hef alltaf sperrt upp eyrun þegar Tryggvi Þór Herbertsson tjáir sig.  Hví í ósköpunum hlustaði Geir H og co ekki á þennan mann?   Tryggvi hefur alltaf verið skynsamur í öllu sem rætt hefur verið um og séð hlutina í víðara samengi og án eigin hagsmuna. 

Ef það verður einhvern tíma sett á þjóðstjórn þá á þessi maður að sitja í þeirri stjórn.  Engin spurning.   

Tryggvi Þór: Lítið samband

Hættum þessu loftrýmiseftirliti með herþotum

Ég spyr bara:  Til hvers að vera með herþotur staðsettar hér á landi til að "gæta loftrýmisins" í kringum landið okkar?   Fljúga Rússar hvort eð er ekki alltaf beint af augum?  Þeir hafa gert það hingað til og spyrja hvorki kóng né prest eða Geir né Imbu hvernig á að nálgast landið.    Geta Danir ekki bara haft sínar vélar í Kaupmannahöfn og flogið hingað þegar Rússar eru á ferðinni.  Norðmenn fylgjast hvort sem er svo vel með  öllu er gerist þarna norður frá.  Ísland þarf ekki að vera æfingasvæði fyrir Nato í flugvélaleik.  Þar að auki eru menn hér á landi að stýra flugumferð á Norður Atlandshafi.

Danir senda F-16 vélar til Ísland

Frétt dagsins

Þetta er nú besta umfjöllun á frétt sem ég hef séð lengi.    Tja .... Ekkifréttdagsins?

Miklu betra fyrir MBL að taka þessa frétt út, nú eða skrifa upp á nýtt svo skilningslaus lesandi eins og ég skilji þessa frétt.  

Meiðyrðamáli vísað frá dómi

Veljum íslenskt

Hafi einhvern tíma verið nauðsynlegt að velja íslenskt, þá á það svo sannarlega við í dag.    Ég hvet alla sem lesa þetta blogg að velja nær eingöngu íslenskar vörur, hvort sem þær eru af náttúru hendi eða unnar vörur.   Allt skiptir máli ef það er hægt að velja á milli.   Veljum íslenskt grænmeti, mjólkurvörur ofl.   Þannig hjálpum við hvort öðru upp úr þessum öldudal.     Verum meira saman og sinnum börnunum.  Svo kostar ekkert að brosa.  

Meira hvað maður er hátíðlegur.   

Er pirraður á þér Darling

Að hlusta á Alistair Darling og Gordon Brown er útrúlegt og að Darling skuli halda áfram þessum árásum á okkur er með eindæmum.   Ekki hefði hann hagað sér svona gangvart t.d. Þjóðverjum.

Ætli bretar átti sig á hvað þeir eru búnir að gera okkur mikinn skaða og hversu hlutfallslega mikið tjónið er fyrir Íslendinga hér heima?

Ég er að vísu búin að lesa commetin á netblöðum þar í landi og er því frekar rólegur gangvart fólkinu þar en auðvitað er búið að skemma rosalega fyrir okkur.  Flestum þar í landi finnst okkur hafa verið sýndur rakinn dónaskapur og svívirða.      

Það skildi þó ekki vera að það ætti eftir að koma í ljós að sumir af þessum sparifjáreigendum í Bretlandi hafi ekki átt neitt inni hjá íslensku bönkunum í upptalningunni yfir þau stofnanir og sveitafélög?  Svo munu eignir bankanna ganga upp í þessar skildir og vel það.

Að lokum verð ég nú að segja að mér finnst ótrúlegur undirlægjuháttur breskra fjölmiðla að trúa endalaust bullinu frá Darling og Brown án þess að kanna málin gagnrýnilaust. 

Þeir hugsa: Hvað er eitt lítið land norður í Atlandshafi?

 Förum í mál við þessa kappa.

Ég var búinn að segja að ég ætlaði ekki að skrifa um fréttir á mbl. Reyni bara að muna það næst.

Heitir sparifjáreigendum aðstoð

Þetta er nú meira!!!!

Maður má ekki bregða sér af bæ og þá er allt komið í kalda kol í efnahagsmálum.     

Svo missti ég líka af snjókomunni í síðustu viku.  Var að skoða myndir hjá prinsessunni og sá að það hafði snjóað.     

 Verum sterk og hugsum jákvætt til allra.  Þetta kemur allt.