Vilhjálmur er bara flottur

Vilhjálmur Bjarnason, viðskiptafræðingur flutti erindi í Hallgrímskirkju undir yfirskriftinni Hrunið og vonin.

Ég hef ekki heyrt í honum en það sem haft er eftir honum hér á mbl er virkilega áhugavert. .  Fyrirgefning og kærleikur á alltaf við og sérstaklega á þessari stund sem nú er að líða.   

Mjög margir eru bitrir í dag og það er aldrei gott veganesti.

Aldrei of blönk til að hugsa

Há upphæð fyrir venjulegt fólk að skilja?

Hvað ætli loðnuflotinn yrði lengi að veiða upp í svona upphæð sem þarna er nefnd?   

Sko!    25 milljónir dollarar,  eru í dag í ísk. kr.  tveir milljarðar átta hundruð og fimmtíu milljónir eða þar um bil.  Engin smá upphæð það.     

Var ekki verið að enda við að veiða fiskitegundina Gulldeplu fyrir hálfan milljarð?   Bara spyr.  

Selja íbúð á Manhattan

Það er ekki einu sinni hægt að brosa af þessu

  Ótrúleg vinnubrögð hjá þessari svokallaðri skilanefnd Landsbankans.    Hvað ætla Jóhanna "forsætisráðfrú" og Steingrímur J. að gera núna?    

Trúlega ekkert, enda eru þau búin að sitja svo lengi á þingi hvort eð er.  

Jóhanna í rúmlega 20 ár og Steingrímur í ca. 32 ár. Ekki það, að það komi málinu við.      

Jón Ásgeir og Gunnar áfram í stjórnum

Ekki benda á mig!

Ætli þetta verði þannig í kosningum í vor að frammararnir vilji sverja af sér þessa ca. 83 daga ef illa fer?  

Kannski meta þeir það svo að það sé betra að vera ekki um borð í skipinu ef illa fer, en þess í stað hanga á lunningunni og stökkva í sjóinn fyrstir og segja; Ekki benda á mig.  

Bara smá vangaveltur um að vera með eða ekki með. 

Framsókn ver nýja stjórn

Segir þetta ekki allt sem segja þarf?

Það að skoskir sjómenn vonist til að Ísland gangi í ESB sem allra fyrst segir allt sem segja þarf að mínu mati.      Ætli hrægammarnir í Evrópu bíði ekki eftir að komast á miðin hér við land og veiða upp kvótann okkar?    Það verður alla veganna ekki samþykkt að við fáum inngöngu í ESB og um leið verði skipting veiðiheimilda óbreyttar.   En hins vegar getur sérfræðiþekking Íslendinga á sjávarútvegi hugsanlega bætt fiskveiðistefnu ESB.

Það er alltaf að koma betur í ljós hví ESB menn ljá máls á því að við gætum hugsanlega komist inn um bakdyrnar hjá ESB.    Eftir miklu er að slægjast í auðlyndir í sjónum og orku hér við land, en við getum átt okkur sjálf að öðru leyti.  

 ..og hver er skiptimyntin okkar?  Fiskur, orka og gígkantískar skuldir, eða með öðrum orðum; Hvað hvíla miklar skuldir á bílnum?        

Innganga í ESB afskrifar ekki skuldirnar eins og sumir virðast halda.     

Skoskir sjómenn vilja að Ísland gangi í ESB

Bloggheimur yfir strikið?

Þessa daganna hefur mér fundist fólk fara hamförum á blogginu og sumir hverjir eru virkilega dónalegir.  Furðulegt að sjá fullorðið fólk í siðmenntuðu þjóðfélagi detta niður á það plan sem jaðrar við að sé villimennska.  

Mér finnst þetta sérstaklega áberandi hjá þeim sem koma inn í bloggið sem gestir og þora ekki að gera grein fyrir sér.  Þeir eru ónærgætnir í orðavali og oft verulega dónalegir.  Halda að þeir komist upp með að svívirða allt og alla, bara af því að þeir eru ekki með bloggsíðu.  

Vil bara segja:  Bloggsíðan mín er ekki vettvangur til að skrifa óhróður og skítkast út í allt og alla.  

Menn mega vera ósammála mér í skoðunum en það verður að gæta þess hvað menn láta út úr sér. Sjálfur á ég börn og er sífellt að brýna fyrir þeim að orð geta skaðað.    

 

Maður að meiri fyrir vikið

Hörður Torfason, forsvarsmaður samtakanna Radda fólksins, hefur beðið Geir H. Haarde forsætisráðherra afsökunar á þeim ummælum sem hann lét falla í gær.   Hörður er maður að meiri fyrir vikið.   

Baðst afsökunar á ummælum

Smekklaust!

„Hvað er hann að draga veikindi sín fram í dagsljósið núna?“ sagði Hörður Torfason hér á mbl.

Hvað er Hörður að fara?    Mér finnst þessi ummæli hans fyrir neðan allar hellur og hann skuldi Geir afsökunarbeiðni.   

 

Hænuskref í rétta átt

Stjórnmál

Það versta við stjórnmál er að þeir sem kunna í raun að stjórna eru uppteknir í öðru, t.d.  á sjónum,  klippa hár,  sinna sjúklingum og við kennslu.

 

 

Bitur Dani sem hatar okkur!

Þar er alltaf sárt að heyra og lesa svona viðhorf um okkur þegar flest okkar gátum ekkert af þessu gert hvernig komið er hér á landi.    Í rauninni er þetta ömurlegt hvernig reiði og illur hugur beinist að þjóðinni sjálfri.  Fyrir mér jaðrar þetta við illgjarnan hroka í Uffe og ég vona svo sannarlega að aðrir hugsi ekki svona um heila þjóð.

Ekki tók ég frekar en flest ykkar þátt í þessu banka- eða fjárfestingaævintýri.

Mér finnst eiginlega alveg ömurlegt að finna þá reiði og illhug gegn Íslendingum  eins og kemur fram í greinaskrifunum í Ekstra Bladet.  Kannski bara bitur Dani?   Vonandi hætta menn að kenna heilli þjóð um hvernig komið er fyrir okkur. 

Frekja og hroki aðgangsorð íslenska helvítisins