Þjóðmál og mínar vangaveltur

Ég er einn af þeim sem hugsa mikið um þjóðmálin í dag. Skrítið.    Ekki það að ég hafi mikið vit á þeim en ég hef skoðun eins og allir aðrir. 

Ég vil ekki að ríkið taki stórt lán.    Ég er hræddur við alþjóðagjaldeyrissjóðinn og þau öfl sem þar eru á bak við.    Ég vil að þjóðin reyni að skapa eins mikil verðmæti og hægt er reyni að snúa vöruskiptum við.   Seljum meira en við kaupum. 

Ég vil að við skoðum inngöngu í ESB gaumgæfilega áður en sú ákvörðun verður ofan á.   Hverju munum við ráða með eitt atkvæði af tuttugu og átta?    bretar munu greinilega þjösnast á okkur eins og þeir geta. Dæmin hafa sýnt það.   Ég vil setja íslensku krónuna á flot svo við fáum raunhæfa krónu í takt við veruleikann þó svo að það verði sárt en það mun jafna sig og við munum ná okkur upp úr þessu.  

Ríkið á að draga úr framkvæmdum nema þar sem mannþörf er  svo ekki verði meira atvinnuleysi.  

Svo vil ég kosningar en ekki fyrr en næsta haust því annars fáum við bara sama fólkið í stjórn.   Flokkar munu ekki ná að skipta út ef kosið yrði t.d. í vor.   Það á að skipta út forustufólki í Seðlabankanum, á alþingi og Fjármálaeftirlitinu því að peningastefnan hér á landi hafi brugðist hrapalega eins og allir vita.    

Við getum komist út úr þessu ástandi en það mun kosta sitt.   Kaupum íslenskt ef við getum.   Við getum þetta.

Áfram Ísland. 

Athugasemdir

[Heiða Þórðar, 16.11.2008 kl. 08:32]

Nú?! ég sem hélt að þú hugsaðir bara um mig...hehe

[Herdís Sigurjónsdóttir, 16.11.2008 kl. 10:21]

Heill og sæll félagi

Ég er líka búin að hugsa mikið að undanförnu og hlusta á marga spekinga. Sá besti að mínu mati var Gylfi Zoëga sem talaði á fjármálaráðstefnu sveitarfélaganna. Sjáðu glærurnar hans hér.

[Fanney Björg Karlsdóttir, 16.11.2008 kl. 13:01]

úff.... hvað þú hugsar maður.....

... en svo sem ekkert vitlaust við þessar hugmyndir ..... nema ef vera skyldi.....

[Marinó Már Marinósson, 16.11.2008 kl. 14:03]

Heiða mín,  maður verður stundum að fara út fyrir rammann.    

Sammála þér Herdís. Hann er flottur.  Bara of alvörugefinn    Maður verður líka að hafa gaman af þessu. 

 Fanney:   Það var loksins.....      að maður færi að hugsa að viti eða þannig.  .... ef vera skyldi að virkja eina smá sprænu fyrir austan ..borg.     Fá svona smá innspýtingu skoooh 

[Marinó Már Marinósson, 16.11.2008 kl. 14:06]

Þetta var svona smá innlegg í umræðuna því ég hef ekki komist niður á Austurvöll.    Maður verður að hafa góða samvisku.