Opið til lestrar

Jæja Ég tók áskorun Arnars vinar míns og vinnufélaga að hætta þessari sérvisku minni að hafa bloggið lokað.  Ekkert lok lok og læs í bili.  

Verður að fylgjast með

Betra að missa ekki af neinu.

Laddi

Fór með krökkunum í kvöld að sjá Ladda í Borgarleikhúsinu.

Einföld en frábær skemmtun.   Kallinn er hörku góður og bestur  var hann þegar hann hermdi eftir Bubba. 

Engir tónleikar

Bara svo það sé á hreinu.  Það verða ekki neinir tónleikar, hvorki nú né síðar af minni hálfu þó svo að ég hafi verið að monta mig af hljóðfærakaupunum.     

Það vera í mesta lagi einkatónleikar fyrir sjálfan mig fyrir framan spegil. Tja...  kannski fyrir köttinn en hann forðast mig þessa daganna ef ég tek upp gítarinn.     

Nú á að læra að spila

Jæja, nú á að taka á því.  Já haldið ykkur fast.

 Keypti mér eitt stykki Madólín, OZARK gerð, og fékk til mín í dag.  Strax búin að læra eitt lag.    

 

Spól og hraði

Ég er búin að skrifa nokkru sinnum um umferðamenningu hér á blogginu.   já já Mér var reyndar sagt um daginn að hætta þessu nöldri enda ekkert betri en hinir. 

Jæja. Um daginn þegar snjóaði á höfuðborgarsvæðinu.  Þar sem ég og börnin búa er þessi fína brekka (sem liggur upp með blokkinni:)  nei bara grín) Þessi brekka reynir oft á kunnáttu ökumanna.   Alltaf þarf að vera hálka í henni ef snjóar eða frystir.   Þegar snjóaði um daginn þá sat Einar Guðjón út í glugga og skemmti sér alveg  konunglega yfir aðförum sumra ökumanna í brekkunni.  Hann var viss um að einn gæinn sem var að rembast við brekkuna í ca. hálftíma,  væri komin í 4 gír og örugglega á 100 km miðað við hraðamæli. Óhljóðin og lætin í bílnum voru rosaleg.    Enda spurði Einar mig hvað myndi gerast ef bíllinn kæmist skyndilega inná autt svæði?  Hvort hann tæki bara ekki stökk?      Ég sagðist halda það eða þá að drifbúnaðurinn myndi brotna.    

Hafi gæinn verið á nýjum sumardekkjum þá held ég að hann hafi klárað munstrið þarna í brekkunni.   En þessu hafði Einar húmor fyrir og sagðist ekki geta beðið eftir næsta snjó.  

Tveir vinir að austan

Tók þessa mynd sl. sumar austur á Reyðarfirði.

Hingað og ekki lengra

Rakst á þessa boli á netinu.     

Frankly my dear, I just don’t give a damn.  

Fyrir þá sem segja hingað og ekki lengra.

 

  Yes Dear    Fyrir JÁ mennina sem vilja halda friðinn.

Gullkorn

Hér eru nokkur gullkorn íþróttafréttamanna fengin að láni frá einhverjum bloggara:

• Leiknum verður sjónvarpað í sjónvarpinu.
• Einum leik er ekki alveg ólokið.
• Hann sprettur úr skónum.
• Skotið ríður af stað.
• Hann varð að fara af leikvelli í leikhléinu.
• Við erum stödd á leik FH og Hauka í Hafnarfirði og það eru Hafnfirðingar sem eru með boltann.
• Nú hafa Lakers loksins fengið nýjan nýliða.
• .... og áhorfendur rísa hér úr fætum.
• .... og áhorfendur baula á leikinn.
• Allir leikmenn liðsins eru á annan meter.
• KR-ingar eiga hornspyrnu á mjög hættulegum stað
• Hann missti boltann jafnóðum strax.
• Þeir skora bara í byrjun á fyrstu upphafsmínútu þessa leiks.
• Fyrrverandi sonur þjálfarans er á leið í annað félag.
• Hann skrúfaði boltann bak við hægra eyrað á markmanninum.
• Þeir eru með bandarískan ameríkana.
• Weah skallaði hann með höfðinu.

sterkar skoðanir!

„Ég hef mínar eigin skoðanir, sterkar skoðanir. En ég er ekki alltaf sammála þeim."

George Bush