Gat nú verið

Við erum snillingar að búa til regluverk.   

Þegar bensínið hækkaði um daginn, þá nefndi einhver ráðherra að betra væri að hvetja landann að kaupa vistvæna bíla en að lækka bensíngjaldið. Hvað eiga þeir að gera sem sitja uppi með óseljanlega bíla? Ekki kaupa þeir vistvæna bíla á meðan?

 Af hverju ætli salan á rafmagnsvespum og rafmagnshjólum sé svona mikil eins og hún er í dag?   Jú, mjög margir eru að leita að rauhæfum kosti til að komast á milli staða. Svo hafa þessar vespur leyst af "skutlferðir" foreldra í mörgum tilfellum.  Hvað er að því þó svo að krakkagreyin noti þessar skutlur á göngustígum.   Ekki er nú hraðinn mikill á þeim.

Sjálfur á ég rafmagnshjól og finnst það meiriháttar valkostur.   Frábært að hafa val um hvort ég nota fótstigið eða láta rafmangið bera mig áfram ef þannig ber við.  

En ekki vildi ég eiga rafmagnsvespu í dag  ef ætlunin er að skrá þær í skráningarflokkinn með skellinöðrum.    Þær ná aldrei sama hraða og skellinöðrur og eiga ekkert erindi út á götur.

Ef þessi reglugerð fer í gegn, þá er verið að jarða þessar vespur og um leið að hækka verð á þeim og um leið á rafhjólum. Þetta er bara dulbúin gjaldtaka.

Ekkert að því að takmarka "eitthvað" aldur á þær, t.d. að fermingaaldur sé viðmið. 

Oft hef ég velt því fyrir mér hví fullorðnir séu ekki líka skyldugir til að nota reiðhjólahjálm. Geta ekki fullorðnir líka slasast, á höfði? Af hverju var þá ekki gengið alla leið varðandi hjálmanotkun á sínum tíma?  

Sumar reglur er bara fyndnar. Tökum dæmi um byssueign.    Ef þú átt fjórar byssur, þá verður þú að eiga læstan "byssuskáp" en ef þú átt þrjár byssur þá er í lagi að sleppa skápnum.   Ég spyr: er hættulegra að eiga fjórir byssur en þrjár?  

Nú á að láta veiðimenn, sem sem eru svo heppnir að vera dregnir út til að veiða hreindýr, að taka próf til að sjá hvort þeir hitti í skotmark.  Ég segi til hvers er verið að gefa út byssuleyfi til að nota byssur ef viðkomandi er ekki hæfur til að nota þær? Eru ekki veiðivörður með í för sem eiga að grípa inn í ef dýrið særist. Mætti þá ekki spara veiðiverðina.    

Það er ekki öll vitleysan eins.    

Herða reglur um nýju fararskjótana

Þarf þá nokkuð að kjósa?

Meirihlutinn í Kópavogi er fallinn samkvæmt nýrri könnun Stöðvar 2 og Fréttablaðsins sem greint var frá í kvöldfréttum Stöðvar 2. Samkvæmt könnuninni ná tvö ný framboð inn manni á kostnað Samfylkingar og Sjálfstæðisflokks.  

 

Þarf þá nokkuð að kjósa á laugardaginn?   

Virkar eins og draumafrétt fréttamanns.  

  

Meirihlutinn fallinn í Kópavogi

Listin að sannfæra að launahækkun sé í raun launalækkun

Smá pólitík. 

Ég horfði á Seðlabankastjóra útskýra fyrir áhorfendum Kastljóss þann 3. maí sl. að launahækkunin, sem hann átti að fá, hefði í raun verið launalækkun.   

Ótrúleg snilld hvernig hægt er að sannfæra fólk um að launahækkun sé í raun launalækkun.

Sjá Kastljósþáttinn á RUV.is þann 3. maí 2010. 

http://dagskra.ruv.is/sjonvarpid/4472182/2010/05/03/0/

Þetta viðtal ætti kannski að vera kennsluefni í háskólum.  

Tær snilld.  

Er í lagi að þiggja fé?

Jóhönna Sigurðardóttir segir að það sé óþægilegt fyrir Samfylkinguna að hafa tekið á móti háum styrkjum til flokksins. En sagði það þó ekkert óþægilegra fyrir Samfylkinguna en aðra flokka.

En hvað ef þessir peningar hafa komið frá fyrirtækjum sem voru kannski blóðmjólkuð af eigendum sínum fyrir hrun og hafa jafnvel skilið fyrirtækin eftir í sárum?

Er í lagi að þiggja pening úr hendi þjófs og segja að það sé í lagi, svo lengi sem maður stelur þeim ekki sjálfur?

Óþægilegt fyrir Samfylkinguna

Árinni kennir illur ræðari

Núna keppast allir við að réttlæta sitt. 

Núna á greinilega að túlka þennan sigur fólksins í landinu sem sigur stjórnarinnar og fóðra sig með því að þau hafi orðið að reyna að semja hratt til að ljúka málinu, alveg sama hver niðurstaðan yrði og þessar kosningar hafi ekki skipt neinu máli þar sem annað samkomulag liggi nánst fyrir.

En sem betur fer er lýðræði í landinu og það þurfti að klára þetta mál formlega eftir að forsetinn synjaði lögunum á sínum tíma og vísaði til þjóðarinnar. 

Mér finnst að það þurfi að vanda sig í svona samningum og stóru mistökin hjá stjórninni hafi verið að láta ekki alla flokka koma að þessum samningum strax í febrúar 2009.

Þá hefði kannski legið fyrir samkomulag sem allir hefðu getað sætt sig við og verið sammála um.

Númer eitt að mynda samstöðu í landinu um þetta mál. Það sýnir sig að fáir vilja hjálpa okkur nema Færeyingar. Reyndar grunar mig að Noregur myndi einnig gera það á endanum enda er það eina þjóðin sem finnur til skyldleikans til okkar.

Svo er spurningin hvernig stjórnarliðum hafi liðið á laugardaginn, hafi þau setið heima eins og foringjarnir gerðu, vitandi að það er til fullt af fólki um allan heim og þá sérstaklega konur, sem öfunda okkur á að hafa kosningarétt og geta nýtt sér hann.  

Hins vegar verða allir dauðfegnir því að þessu máli fari að ljúka og ríkisstjórnin fari að standa undir nafni og hjálpi fólkinu í landinu en hugsi ekki bara eins og það séu bara tvö mál á stefnuskrá.  

 

Sigríður Ingibjörg: Samningsstaða Íslands hefur styrkst

BBC fattar þetta ekki enda hentar það ekki breskum né Jóhönnu og Steingrími

Held BBC skilji ekki þennan rétt sem við höfum til að kjósa enda hentar það ekki breskum né Jóhönnu og Steingrími að þessi kosning fari fram.

Fyrir mér er þetta kristaltært.

Hvað ef þessi lög verða samþykkt?   Þá þurfum við og börnin okkar að borga eins og lögin voru samþykkt á þinginu fyrir jól.  Það má alls ekki gerast.    Við höfum ekki getu til né efni á að borga eins og skilyrðin voru sett upp. 

Það verður að fella þessi lög og segja Nei!

BBC-menn virðast ekki skilja þetta frekar en Steingrímur J og Jóhanna forsætisráðherra. 

Skrítin þjóðaratkvæðagreiðsla

Ríkisábyrgð eða ekki

Þessi pólitík.    Fyrir mér er þetta einfalt.  Það verður kosið um hvort eigi að  leyfa ríkisábyrgð eða ekki á greiðslum, vegna tjóns hjá einkabanka.   

Marklaus þjóðaratkvæðagreiðsla?

Høgni Hoydal gagnrýnir Norðurlöndin

"Færeyski stjórnmálamaðurinn Høgni Hoydal lýsti í ræðu í danska þinginu í vikunni miklum vonbrigðum með viðbrögð Norðurlandanna við fjármálahruninu á Íslandi."

 

 

Flottur.    Færeyingar mínir menn.   

Høgni Hoydal gagnrýnir Norðurlöndin

Flókið mál eða þannig

Kópavogur.  Þar sem hlutirnir gerast.      

Smá vangaveltur

Framsóknarmenn munu ekki leggja til bæjarstjóraefni, verði samstarfi haldið áfram við Sjálfstæðisflokkinn. Ráðning utanaðkomandi aðila til að taka að sér verkefni bæjarstjóra kemur heldur ekki til greina. 

Það er greinilega ekki mikill metnaður hjá Framsókn.   Einu sinni þótti gott að komast í stjórastólinn. 

Virkar eins og Framsókn vilji endilega að Sjálfstæðismenn sitji í stóra stólnum.    

Hvað ætli fjórði flokkurinn geri í kvöld? 

Þrír flokkar funda í Kópavogi

Í alvöru!

Ja hérna!  Í alvöru!   Á 65 ára afmælisdegi lýðveldisins?  Hvaða hlutverk fær það fólk sem búið er að missa vinnuna, í þessari uppbyggingarstarfssemi sem Jóhanna talar um?  

Það er lögð meiri áhersla á að borga Icesave-reikninganna en að einbeita sér að því að hjálpa fólkinu í landinu.   Íslenski viðsemjandinn í Icesave málinu nennti ekki að standa í þessu samningaþrasi lengur og samdi strax,  bara til að ljúka þessu af.  

Heyjum á ný sjálfstæðisbaráttu