I Want You síðasta lag Bítlanna!

 Sumir halda að Let it Be sé síðasta platan sem Bítlarnir hljóðrituðu en það er ekki svo.  Það var Abbey Road  sem var síðust en hún var hljóðrituð sumarið 1969.  Lögin á Let it Be  plötunni höfðu verið tekin upp á undan.

Eftir því sem ég hef lesið mér til þá spiluðu þeir fjórir saman í síðasta sinn í upptökusal 20. ágúst það sumar, þegar þeir tóku upp lagið "I Want You (She's So Heavy) sem er á Abbey Road plötunni.

En síðasta nýja lagið sem kom út, var lagið  "I Me Mine" eftir Harrison en það var tekið upp af þeim George, Paul og Ringo þann 3. janúar 1970 og sett á Let it Beplötuna.  John Lennon var ekki með á þessu lagi þar sem hann var staddur í Danmörku á sama tíma. 

En eins og fyrr segir þá kom Let it Be ekki út fyrr en nokkrum mánuðum á eftir Abbey Road.    Flókið? 

"I me Mine" var því sett á Le it Be  plötuna.    Það hefur væntanlega ekki verið búið að fjöldaframleiða lögin (þrykkja á vinyl (CD í dag).

John hafði í raun hætt með hljómsveitinni 20. september 1969 en samþykkt að láta ekki vita að hljómsveitin væri í raun hætt fyrr en búið væri að ganga frá ýmsum málum.

Það var svo Paul sem stal senunni af Lennon þegar hann tilkynnti nokkru seinna að sveitin væri hætt störfum. 

Sem sagt; síðasta lagið:  "I Want You (She's So Heavy) sem fullskipuð hljómsveit.  "I Me Mine" án Johns.

Með fyrirvara um villur.  

Á söguslóðum Bítlanna II

Langar þig ekki að skoða þá staði þar sem Bítlarnir héltu til í London hér áður fyrr?  Er ekki hægt nú þegar að fara í pílagrímsför í miðbæ Reykjavíkur til að sjá hvar Björk hélt til áður en hún varð fræg?

Til dæmis var upphafsatriðið í Can't Buy Me Love í myndinni A Hard Day's Night tekið í Hammersmith Odeon (Hammersmith Apollo), London.  

Fann þessa slóð http://www.beatlesmapped.com/london.php  þar sem hægt er að smella á merkta staði á kortinu þar sem Bítlarnir koma við sögu í London.  Veljið svo Show All Locations til að sjá alla merkta staði.  

 Primrose Hill, London  Þar sem myndbandið við lagið The Fool on the Hill var tekið árið 1967.

Á söguslóðum Bítlanna í London

Nú verður maður að ljóstra upp smá leyndarmáli.   Hef aldrei komið til Englands.     En það breytir því ekki að ég hef reynt að lesa sem mest um allt sem tilheyrir Bítlunum,  eins þið hafið kannski orðið vör við sem lesið bloggið.  

 Netið getur verið frábært tæki til að fræðast um það sem maður hefur áhuga á.   Ligg oft yfir þessu sem og myndlist. 

Hér er smá upplýsingar fyrir ykkur sem viljið fara á bítlaslóðir í London.

 Byrja á þeim tíma þegar hljómsveitin var að hætta.   Þegar Bítlarnir spiluðu í síðasta sinn saman opinberlega þá komu þeir saman uppá þakinu á Apple fyrirtækinu við 3 Savile Row (map) í janúar 1969. 

 Eins og ég segi þá var þetta í síðasta sinn sem þeir héldu tónleika þó svo að leyfi fyrir tónleikunum hafi ekki verið til staðar.  Þetta óvænta útspil þeirra var í tengslum við heimildarmyndina Let It Be. 

Ég hefði alveg viljað vera þarna á þessum tíma.    

 

 

Í upphafi bíómyndarinnar "A Hard Day's Night" er hægt að sjá strákanna hlaupa á undan stelpunum niður Boston Place (map) og inn á Marylebone Station.   sjá mynd hér hægra megin.

 

Svo er það auðvitað Abbey Road platan sem kennd er við samnefnda götu og þar sem EMI's Abbey Road hljóðverið er. 

Ef þið eigið leið þarna um þá er um að gera að standa fyrir framan vefmyndavélina sem er staðsett við gangbrautina og hringja heim svo allir geti séð ykkur á þessum sögufrægu slóðum. 

Hér er slóðin á vefmyndavélina við Abbey Road.   http://www.abbeyroad.com/virtual_visit/webcam

Linkur á heimasiðu um bítlaferðir í London.    http://www.beatlesinlondon.com/

 Kannski kemur meira síðar?

Julian Lennon

Var að flækjast um á netinu  í kvöld og var að skoða myndbönd með Bítlunum.  Hvað annað.   

 Þar fann ég ný lög sem Julian eldri sons Johns heitins Lennons er að klára þessa daganna.  En hann hætti fyrir einum 10 árum síðan að koma fram sem tónlistarmaður. 

Þó vissi ég að hann hafði sungið inn á bítlalagið  When I'm Sixty-Four árið 2002.

  En viti menn.  Julian er að klára nýjan disk, ef hann er ekki nú þegar komin út. 

 

 

Hér er linkur þar getið þið hlustað á nokkur demo.  Flott lög.

http://collect.myspace.com/music/popup.cfm?num=0&time=undefined&fid=48906808&uid=1&t=mJil/EQ5ohnr/IB73T7xzuF7umHLEMbq0JJg8qyy/7cxi3h8/fTdeqPI4JZQ94E LuktwE35uXv0d3YuMTp4yQ==d=NDg5MDY4MDheMTIwMjIyODA3OQ==

 (Afsakið stafaruglið.   Fyrsta lagið er stundum lengi að koma inn.)

Það er erfitt að vera sífellt í skugganum á frægum foreldrum.   Julian er með frekar svipaða rödd og karl faðir hans hafði á fyrstu árum bítlanna.  Mér skilst að hann hafi búið undanfarið á norðanverðri Ítalíu ásamt konu sinni og lifað þar látlausu lifi.    

En hvað um það.  Þetta er flott og hugljúf tónlist. 

Vitlaus hugmynd

Að láta sér detta annað eins í hug.   Er sem sagt núna allt í lagi að hver sem er geti orðið lögregluþjónn bara með því að klæða viðkomandi upp í lögreglubúning.  

Hræddur er ég um að álit fólks á störfum björgunarsveitafólks komi til með að skaðast.     

Björgunarsveitarmenn í varalið lögreglu?

Hvenær eru börn fullorðin?

Hafið þið velt fyrir ykkur hvenær börn teljast fullorðin?   Þegar á að græða á þeim þá er kjörin að hafa viðmiðin nógu neðarlega.  

Ég var að skoða ónefnt flugfélag til að kanna tilboð á flugi.  Eru ekki allir að ferðast nú til dags?   Það vill svo til að drengurinn minn er 11 ára og telst því til fullorðinna samkvæmt skilmálum flugfélagsins.  Alla veganna eru skilgreiningin þannig á heimasíðu flugfélagsins.  

Tveir flokkar:  Börn 2 til 11 ára.     Fullorðin  

Eru þá börn sem eru orðin 11 ára og eldri, fullorðin? Já það virðist vera samkvæmt verðskalanum.      jahérna.   

Er þetta löglegt upp- eða niðurhal!

Gaman að heyra að NASA skuli velja bítlalag til að senda út í heiminn þegar þeir útvarpa laginu "Across The Universe" um vetrarbrautina.     Niðurhal eða upphal út í geim.      Að mínu mati flottasta hljómsveit heims valin, enda fáir haft eins mikil áhrif á popptónlist og Beatles.

Svo er nú spurningin hvort Ísland hafi ekki forskot á  útsendingu út í geimin með Lennon ljósinu í Viðey?   

    Lagið verður sent í áttina á Polaris  (Pólstjarnan), sem var fyrsti áttavitinn sem maðurinn notaði til að rata um jörðina.  Nú til dags nota allir GPS.

Polaris er 431 Ljósár í burtu að ég held.  Gæti munað um nokkra kilómetra til eða frá.   Hvert ljósár er 5,878,625,373,183 mílur. Skilaboðin munu ferðast á 186.000 mílna hraða á sekúndu. Það mun taka lagið að 431 ár að ná á áfangastað sem verður árið 2439.  

Það sem fer upp kemur alltaf niður, og því má segja að  ef lagið hittir Polaris þá mun endurkastið ná til jarðar aftur árið 2870.

Þess má geta að lagið "Across The Universe" hefur verið flutt af mörgum listamönnum, t.d. Bono, David Bowie, Stevie Wonder, Cyndi Lauper, Norah Jones, Brian Wilson (Beach Boys), Roger Waters (Pink Floyd), Steven Tyler (Aerosmith), Billie Joe Armstrong (Green Day), Robyn Hitchcock, Rufus Wainwright, Sean Lennon, Moby, Tim McGraw, Scott Weiland, Alicia Keys, Alison Krauss, Velvet Revolver, Fiona Apple, 10cc.

Svo er bara að vona að þeir sem koma til að hlusta á lagið þarna uppi eigi MP3.   

 

Bítlalagi útvarpað í geimnum

Spaugstofugrín

Fordómalaust grín í spaugstofumönnum í kvöld!     Eða þannig. 

En hvar var Siggi?      

Ekkert að segja

Pása