Rjúpnaveiðar- of margir samfelldir veiðidagar!

Jæja nú fer að líða að rjúpnaveiðum.    Margir farnir að skipuleggja veiðidaganna.  Ótrúlegt hvað margir eru skipulagðir þegar kemur að veiði eða íþróttum.    

Gott að vita til þess að maður getur tekið sér frí frá fimmtudegi til sunnudags og stundað rjúpnaveiðina samfellt þessa fjóra daga í einu.   En þvi miður þá verður það til þess að atvinnuveiðimenn geta stundað áfram sína veiðihörku þar sem fjórir dagar í einu gefa mun betri árangur á veiði en t.d. tveir dagar.   

Hví ákvað ráðherra að hafa svona marga veiðidaga samfellt,  úr því að verið er reyna að stýra veiðinni og vernda stofninn? 

Hef grun um að hagsmunasamtök hér á höfuðborgarsvæðinu hafi haft áhrif á ákvörðunartöku ráðherra. 

Ég held að það hefði verið mun betra að hafa sóknardaganna fleiri og  hafa þá tvo og tvo.

Dæmi: Veiði á laugardögum og sunnudögum.  Þriðjudögum og Miðvikudögum.  

Með því að hafa tvo og tvo daga í veiði þá hefði fengist betri árangur með friðun á rjúpunni og atvinnuveiðimennska heyrt sögunni til.

Meiri sátt um friðun, samhliða því að veiða í jólamatinn fyrir okkur hin sem fara til fjalla ánægjunar vegna en ekki til að selja bráðina.

 

Athugasemdir

[arnar valgeirsson, 24.9.2007 kl. 20:30]

engin jól án rjúpna.

kíki um jólin og fæ bita. svo til jóns brynjars og fæ ís.

þetta verða hin huggulegustu jól hehe

[Linda Ósk Sigurðardóttir (IP-tala skráð) 24.9.2007 kl. 20:45]

Já, þú segir nokkuð.....

Rjúpan er góð en er ekki jólamatur á mínu heimili.....þær sem veiðast eru líka hvað oftast gefnar góðum vinum sem ekki veiða sjálfir 

[Marinó Már Marinósson, 24.9.2007 kl. 23:29]

Veit ekki hvað ég myndi gera ef ég hefði ekki rjúpu á jólum.  Ísinn og heimatilbúin sósa nauðsynleg.