Tek til baka orðin Þorgerður

Þetta var geggjað.    Var með hjartastuðtækið við hliðina á mér enda spennan líka ótrúleg en ljúf.   Geggjaður leikur.    Ég tek til baka orðin sem ég hafði um hugsanlega ferð Þorgerðar Katrínar til Kína.   Hún á pottþétt að fara út og vera viðstödd þegar við munum vinna Frakkanna.   Engin spurning og það er á hreinu að það munu koma með ca 15 gull- eða silfurpeninga til landsins.   Ekkert smá.   Áfram Ísland

Íslendingar í úrslitaleikinn

Allir ættu að íhuga að fara út

Það ættu bara sem flestir að að íhuga að skreppa út til Kína.  Þetta er bara svona svipað og fljúga til Vestmannaeyja eða þannig.         Hvað???         Ríkið borgar. 

Þar fyrir utan, þá eru strákarnir flottir.  

Íhugar að fara aftur út

32-32= Sigur

Það var ljúft að sjá okkar menn ná jafntefli gegn Evrópumeisturum Dana, 32-32.    Snorri Steinn alltaf jafn kúl.      Sjá þennan danska þjálfara á línunni þarna í lokin.     Hef oft sagt að hann er hundleiðinlegur, kallinn og það breyttist ekkert en sjálfsagt er hann ágætur þjálfari.      Þetta var sætur sigur.     Áfram Ísland.       

Jafntefli gegn Danmörku

Flottur sigur í handboltanum í dag

Smá blogg frá mér. 

Hef horft töluvert á ólympíuleikanna að undanförnu enda ekki annað hægt.  Okkar fólk er að standa sig mjög vel.  Taugarnar eru eitthvað að trufla suma en hvað með það.   

Handboltaleikurinn í dag gegn Þjóðverjum var hreint frábær sem og leikurinn gegn Rússum í fyrradag.   Það er auðséð að okkar menn ætla sér stóra hluti á þessu móti og láta verkin tala.  Hópurinn virðist vera vel samhentur og mikil breidd í honum.  

Áfram Ísland. 

Gullmóti í frjálsum

Var að horfa á Gullmótið í frjálsum núna í þessum skrifuðum orðum:)   Sem er svo sem ekkert merkilegt en það er hrein unun að hlusta á þá félaga, Valtýr Björn og Sigurbjörn Árna, hjá Rúv lýsa leikjunum.   Sigurbjörn Árni Arngrímsson, annar þulurinn, er frábær og ótrúlega fróður um allt og alla sem eru á þessum mótum. Þegar einhver spennandi hlaup eiga sér stað þá er hann alveg ótrúlegur í æsingnum.   Kapparnir á Stöð tvö komast ekki nærri honum í æsingi og þó er hægt að skilja hvað hann er að segja.  

Á þessu móti er keppt er í fjölmörgum greinum á hverju gullmóti, en tólf þeirra eru gullgreinar ár hvert, sex karla og sex kvenna. Þeir keppendur sem sigra í sinni grein á öllum mótunum hljóta hlut í gullpottinum þar sem eru háar fjárhæðir. Til að fá hlut í gullpottinum þurfa sigurvegararnir líka að keppa á Lokamóti frjálsíþróttamanna sem haldið verður í Mónakó í september.

Tapsár sjómaður!

Ég hef alltaf verið tregur að fara í sjómann.  Kannski er ég bara svona tapsár eða ég get ekkert í sjómanni eða hvort tveggja sé.   Nú eða kannski hræddur við að fá einn á kjaftinn ef ég hefði slysast til að leggja einn eða tvo.  

Nei, eina sem ég stundaði að viti til að kanna krafta mína, var glíma.

Þegar ég var yngri þá stundaði ég glímu af kappi og hafði gaman af. Keppti meira segja nokkrum sinnum.  Held meira segja að engin beri nafnbótina Fegurðarkóngur Austurlands (í glímu) nema ég.     (Það hefur bara verið keppt í þeim flokki einu sinni og síðan ekki söguna meir).   Enda er nóg að hafa einn fegurðarkóng.   Kannski ættu menn að taka glímuna sér til fyrirmyndar og keppa í fegurðarsjómanni? Það mætti sjá hvernig þeir bera sig að, hversu vöðvastórir þeir eru nú eða þá snöggir að leggja andstæðinginn. Líka gefa stig fyrir hversu hljóðir þeir eru í sjómanninum.

Nei, Glíman er betri íþrótt.  Að stunda sjómennsku er kannski annað mál. 

Þoldi ekki að tapa í sjómanni

Skólahreysti er frábært framtak

Var að horfa á Skólahreysti sem nú er verið að sýna á Skjá einum.    Andrés Guðmundsson aflraunakappi og skólahreystifrumkvöðull og Lára kona hans eru að gera frábæra hluti með þessari hugmynd og eiga heiður skilið. Ekki skemmir að hafa Jónsa sem kynni en þeir virka mjög jákvæðir út í alla keppendur en greinilegt á þeim að sigur er ekki aðalmálið.  Flest allir grunnskólar hafa tekið þátt í þessari keppni.   Flottir krakkar og hraustir. 

Strákurinn minn situr límdur fyrir framan skjáinn og horfir á og hann segist ætla sko að vera með þegar hann hefur aldur til.   

Hvað er að mönnum?

Þetta finnst mér ansi lélegt.   Hvað er að mönnum?   

HK fánarnir skornir niður