There will NEVER be a Beatles reunion

"There will NEVER be a Beatles reunion, because two of the members of the band have since passed... And NO ONE could, or should try to replace them... End of.... x"   segir Julian Lennon á Facebook síðu sinni. Punktur

Bítlar á ÓL?

Frábærir góðgerðartónleikar hjá Jethro Tull

 Skellti mér á góðgerðartónleika í gærkvöldi hjá Jethro Tull í Háskólabíó.   Allur ágóði af tónleikunum og aukatónleikum rann til fjölskyldna Vildarbarna og Fjölskylduhjálpar Íslands.  

Ég var mjög spenntur fyrir þessum tónleikum og það má svo sannarlega segja að þeir hafi ekki valdið mér vonbrigðum.   Þeir byrjuðu með því að Andersson sjálfur kom fram og kynnti Ragnheiði Gröndal og hljómsveit.   Það var bara forsmekkurinn af því sem koma skildi.   Frábær söngkona Ragnheiður.  

Síðan kom sjálfur Ian Andresson ásamt hljómsveit og skemmti áhorfendum í tvo tíma.   Það sem kallinn er hress.  Hann hljóp um sviðið eins og unglingur og blés ekki úr nös og bara rétt sextíu og tveggja.  Að vísu var hann ekki í ballettbuxunum en svartar gallabuxur dugðu. hehe.   En hann er ótrúlega flottur spilari, bæði á gítar og flautuna.   Það er hreint unun að sjá þessa fullkomnu blöndu spilamennsku, gleði og sviðsframkomu.   Röddin er enn í fínu lagi þó svo að hann nái kannski ekki efstu tónum en hann lagði alltaf lagið svo það hentaði honum og fyrir áhorfendur var þetta bara augnakonfekt þar sem hann tyllti sér á tær og lyfti sér upp í efstu tónunum.  

Ian er klókur tónlistarmaður sem heldur sér á jörðinni.  Er vel að sér í málum þar sem hann kemur.  Hann sagðist hafa kynnt sér íslenska tónlist og finnst margt í gangi hér.   Einhversstaðar las ég að honum þóknaðist betur það sem stelpurnar væru að gera í tónlistinni en strákarnir.  Held reyndar að það sé mikið til í því.  Hvað um það en hann valdi að bjóða þremur stelpum að spila með sér.   Ragnheiður Gröndal hitaði upp.  Síðan kom ungur fiðluleikari Unnur Birna, fram með félögum og lék í nokkrum lögum þeirra.   Dísa söng tvö frumsamin lög og annað í félagi við Andrersson.   Meiriháttar flott.   

 

Ég fann á netinu að gítarleikarinn, Florian Opahle , sem er þýskur, sé að leysa Martin Barre af vegna veikinda. Þessi ungi gítarleikari var ótrúlega góður. Allt sólóið hrikalega smart.  Þeir Florian og Ian eru búnir að vinna saman síðan 2003.   Sama má segja um hina í bandinu; Dave Goodier bassaleikari ( búinn að spila með Ian síðan 2002), John O Hara, hljómborðsleikari (byrjaði að spila með Ian 2003) en ég fann ekkert um Mark Mondesir sem er gestatrommari í bandinu.  Allir spiluðu þeir óaðfinnanlega.  

Þessir tónleikar voru að mínu viti skemmtilegir og persónulegir.  Runnu af stað rólega og alltaf gaman að hlusta á Andersson spjalla inn á milli laga og gera grín af sér og félögum sínum í léttum dúr.   Ég er ekki viss um að allir sem voru í salnum hafi áttað sig á hvílík goðsögn þarna var að spila en börnunum mínum þótti þessir tónleikar skemmtilegir.  

Ef ég ætti að setja út á eitthvað þá er það helst að Háskólabíó verður seint talið til tónlistarhúsa.   Einn ókosturinn er að það er ekki pláss fyrir hljóðmeistarann út í sal og hann varð því að vera til hliðar á sviðinu.  Fyrir vikið heyrir hann ekki tónlistina eins og áhorfendur.  Mér fannst heyrast of mikið í bassatrommunni en of lítið í bassaleikaranum.  Ég var búinn að hlakka til að hlusta á hann því bassaspilið í flestum Jethro Tull lögum er djassaður og frekar flókinn.  

En þessir tónleikar voru hreint út sagt frábærir og góð skemmtun.  

Næst vil ég sjá Ian Andersson með Sinfóníusveit Íslands.  

 

Fallegt

Frábært lag og myndin ekki síðri  svona fyrir svefninn

Uppruni: www.youtube.com

Shot by: http://jonrawlinson.com The music is "Please don't go" by Barcelona. PLEASE BUY THIS SONG ON iTUNES: http://bit.ly/1zAVu Barcelona's website: http://www.myspace.com/barcelona Follow me on Twitter ...

 

Get Back með George Harrison

Flestir sem hafa heyrt lagið Get Back vita að það er eftir Paul McCartney og sumir halda að það hafi verið skot á Yoko Ono.     

Hérna er þetta lag í flutningi George Harrison.  Harrison hefur trúlega flutt þetta lag þegar hann var að gera plötuna All Things Must Pass eða um árið 1974?  Svolítið öðruvísi útsetning en gaman af þessu samt. 

 

Trompetleikarinn í Penny Lane

Hérna sjáið þið David Mason, trompetleikarinn í Bítlalaginu Penny Lane,  segja frá hvernig Paul McCartney fékk hann til að spila á Piccolo Trompetinn í laginu.   En Paul heyrði hann spila í  tónverkinu Brandenborgarkonsertinn eftir Bach með Enska dómkórnum.   Paul samdi laglínuna undir áhrifum frá þessu verki.

Sólóið spilaði David síðan fyrir Bítlanna 17. janúar 1967 í Abbey Road hljóðverinu.  

Þið leiðréttið mig bara ef þetta er ekki alveg rétt hjá mér.   

 

 

Paul og Ringo

 

Nýjasta frá Paul Mc og Ringo.  Á styrktartónleikum David Lynch Foundation - 4.04.09

Óttalega er nú Hringur kallinn slappur hehe 

 

 

Eivör Páls frábær

Merkilegt nokk, en ég fæ bara aldrei nóg af Eivör frá Færeyjum.   Sá hana í Kastljósi í gærkvöldi og hún var bara hreint út sagt frábær. 

Eivör Pálsdóttir er þessa daganna stödd á landinu en hún ætlar að halda tónleikaröð hér á næstu dögum.   Hvet alla til að sjá hana.   

Ringo og Paul saman á sviði á ný

Þeir Paul McCartney og Ringo Starr, ætla að koma saman fram á tónleikum í New York 4. apríl.  

Samkvæmt fréttinni munu þeir Paul og Ringo taka saman að minnsta kosti eitt lag.   

Það er nú varla hægt að spila minna en eitt lag.     Kannski hálft?  

Eftir því sem ég veit best, þá spiluðu þeir síðast saman á minningartónleikum um George Harrison þann 29. nóvember árið 2002. Sjá hér að neðan.  

 

Ringo og Paul saman á sviði

Meira af John Lennon

Hérna er merkilegt viðtal sem fjórtán ára strákur að nafni Jerry Levitan tók við John Lennon en Jerry komst inn á hótelherbergi Johns er hann var staddur í Toronto í Kanada árið 1969.  Að sjálfsögðu var rætt um friðarboðskap og á hann líka vel við í dag.  Þess má geta að þetta myndband var nýlega sett á netið.  

Til gamans má geta þess að í ævisögu Erics Clapton kemur fram hans hlið á tónleikum með Lennon í Toronto (trúlega á sama tíma og þetta viðtal á sér stað?) en honum var ekki skemmt þegar Lennon yfirgaf bandið strax eftir tónleikanna og skildi þá farlausa eftir í borginni.   Hvet alla til að lesa bók Claptons. 

 

 

Rafverk Bítlanna

Paul McCartney segir að kominn sé tími til að tilraunaupptaka sem Bítlarnir gerðu árið 1967 fái að hljóma fyrir allra eyrum. Verkið heitir „Carnival of Light“ (Ljósahátíð) og tekur 14 mínútur í flutningi.

Þetta mun hafa verið 5. janúar 1967 sem þeir fluttu þetta í EMI stúdíoinu í London en þeir voru að vinna í laginu "Penny Lane" bæði 4. og 6. jan.  Þannig að þeir hafa tekið smá pásu frá plötugerð sinni til að flytja þetta rafverk.  

Þess má geta að þetta mun hafa verið í fyrsta sinn sem Bítlarnir hafi tekið upp svona tónlist ef hægt er að tala um tónlist en þarna er nær eingöngu tilraunaverk fyrir þá sjálfa og ekki hafi átt nota á neina plötu.   Verkið er í raun eftir Paul.  John notaði svipaða tilraun í Revolution 9 sem var gefin út í lok árs 1968.   Þarna er um að ræða alls konar rafhljóð, trommur, hljómar úr orgeli, vatnshljóð og svo framkalla þeir Paul og John alls konar hljóð.    Orðin "Are you alright?" og "Barcelona!"  hljóma oft í þessu verki.   Það verður gaman að hlusta á þetta ef það verður gefið út.  Eitthvað fyrir aðdáendur þeirra.   Sem betur fer er enn til fullt af óútgefnu efni frá Bítlunum.   

Óþekkt tilraunaverk Bítlanna