Hjartastuðtæki og skjót viðbrögð björguðu mannslífi

Þar sem ég þekki til viðkomandi atviks þá langar mig að blogga aðeins um þessi mál.

Það er mín skoðun að þessi svo kölluð hálfsjálfvirk hjartastuðtæki séu ein mesta bylting sem komið hafa fram á síðari árum í endurlífgun, fyrir utan fræðslu og menntun í skyndihjálp.   Mér finnst að svona tæki eigi að vera í öllum lögreglubifreiðum á landinu sem og á opinberum stöðum þar sem allir hafa aðgang að þeim.  Það er mjög auðvelt að læra á þau og því nauðsynlegt að hafa þau sem aðgengilegust fyrir alla.  

Rauði kross Íslands hefur séð um skyndihjálparnámskeið undanfarin ár og hvet ég alla til að sækja þessi námskeið reglulega. 

 

Innskot:  Gísli Björnsson, Deildarstjóri sjúkraflutninga hjá SHA, greinir nákvæmar frá þessu hér í athugasemdir hér  fyrir neðan þannig að fréttin sé rétt.   Ég sem hélt að Skessuhorn hefði verið með nákvæma frásögn af þessu  Endilega lesið athugasemd Gísla, þið sem hafið áhuga.

Hjartastuðtæki og skjót viðbrögð björguðu mannslífi

Göngutúr

Við feðgin fórum í góðan göngutúr í dag.  Veðrið lék við okkur eins og flest alla landsmenn.     Krafturinn er að koma hjá mér og ég er farinn að halda ansi góðum hraða þó ég segi frá sjálfur.    Mér reiknaðist svo út að ég hafi brennt af mér 290 kaloríum en það segir mér svo sem ekki mikið.   En gott að svitna smá.     Get ekki beðið eftir því að fara að hjóla enda er planið að kaupa gott hjól og vígbúast nagladekkjum.  

Tryggvi Þór er snjall og vitur maður sem ætti að hlusta á

Ég hef alltaf sperrt upp eyrun þegar Tryggvi Þór Herbertsson tjáir sig.  Hví í ósköpunum hlustaði Geir H og co ekki á þennan mann?   Tryggvi hefur alltaf verið skynsamur í öllu sem rætt hefur verið um og séð hlutina í víðara samengi og án eigin hagsmuna. 

Ef það verður einhvern tíma sett á þjóðstjórn þá á þessi maður að sitja í þeirri stjórn.  Engin spurning.   

Tryggvi Þór: Lítið samband

Dabbi á seðil!

Þetta er brandari ársins. Lögreglan á höfuðborgarsvæðinu rannsakar nú sérstætt peningafölsunarmál.   Hvað var fólkið að hugsa sem tók á móti blaðinu? 

Strákurinn minn (12 ára)  á einn svona seðil og hann hengdi hann upp á vegg því honum fannst þetta svo flottur seðill og hann er hér enn.    Ætli ég verði ekki að hringja í lögguna og skila inn fölsuðum seðli? Það er allaveganna komin ný króna sem Evrópa gæti fallið fyrir. 

Notaði seðil með mynd af Davíð

Hættum þessu loftrýmiseftirliti með herþotum

Ég spyr bara:  Til hvers að vera með herþotur staðsettar hér á landi til að "gæta loftrýmisins" í kringum landið okkar?   Fljúga Rússar hvort eð er ekki alltaf beint af augum?  Þeir hafa gert það hingað til og spyrja hvorki kóng né prest eða Geir né Imbu hvernig á að nálgast landið.    Geta Danir ekki bara haft sínar vélar í Kaupmannahöfn og flogið hingað þegar Rússar eru á ferðinni.  Norðmenn fylgjast hvort sem er svo vel með  öllu er gerist þarna norður frá.  Ísland þarf ekki að vera æfingasvæði fyrir Nato í flugvélaleik.  Þar að auki eru menn hér á landi að stýra flugumferð á Norður Atlandshafi.

Danir senda F-16 vélar til Ísland