Tapsár sjómaður!

Ég hef alltaf verið tregur að fara í sjómann.  Kannski er ég bara svona tapsár eða ég get ekkert í sjómanni eða hvort tveggja sé.   Nú eða kannski hræddur við að fá einn á kjaftinn ef ég hefði slysast til að leggja einn eða tvo.  

Nei, eina sem ég stundaði að viti til að kanna krafta mína, var glíma.

Þegar ég var yngri þá stundaði ég glímu af kappi og hafði gaman af. Keppti meira segja nokkrum sinnum.  Held meira segja að engin beri nafnbótina Fegurðarkóngur Austurlands (í glímu) nema ég.     (Það hefur bara verið keppt í þeim flokki einu sinni og síðan ekki söguna meir).   Enda er nóg að hafa einn fegurðarkóng.   Kannski ættu menn að taka glímuna sér til fyrirmyndar og keppa í fegurðarsjómanni? Það mætti sjá hvernig þeir bera sig að, hversu vöðvastórir þeir eru nú eða þá snöggir að leggja andstæðinginn. Líka gefa stig fyrir hversu hljóðir þeir eru í sjómanninum.

Nei, Glíman er betri íþrótt.  Að stunda sjómennsku er kannski annað mál. 

Þoldi ekki að tapa í sjómanni

Athugasemdir

[Gunnar Th. Gunnarsson, 18.3.2008 kl. 11:06]

Glíma hefur verið í töluverðri "uppsveiflu" (nýtt bragð) hér á Reyðarfirði undanfarin ár. Þökk sé Þóroddi Helgasyni (Seljan), nýráðnum fræðslustjóra Fjarðabyggðar.

[Þóra Kristín Ásgeirsdóttir, 18.3.2008 kl. 11:58]

ég keppti einu sinni í glímu og vann strákinn sem ég var að glíma við, hann fór í svo mikla fýlu að hann talaði ekki við mig í 2 daga sem var ansi mikið þar sem við vorum miklir vinir. 

En vá fegurðarkóngur, við ættum kannski að taka þetta upp í E9 :) muhahahaha

Spurning hvort þú myndir halda titlinum.

væri nú samt alveg til í að fylgjast með fegurðarsjómanni

[Marinó Már Marinósson, 18.3.2008 kl. 18:50]

Við Þóroddur glímdum oft og hann var skæður með hælkrókinn.

[Marinó Már Marinósson, 18.3.2008 kl. 18:52]

Þóra Kristín!!!    Ertu eitthvað að efast um ég fari ekki sigur af hólmi í E9?  

[Þóra Kristín Ásgeirsdóttir, 19.3.2008 kl. 10:06]

nei nei nei nei nei nei

[Linda Ósk Sigurðardóttir (IP-tala skráð) 19.3.2008 kl. 20:18]

Hvaða, hvaða.......auðvitað ert þú sigurstranglegur ef haldin verður keppni í E9, hva!