Enn um snillinga í umferðinni

Þegar ég var að fara í vinnuna á föstudagsmorguninn þá ók einn voða góður bílstjóri fram úr mér á Nýbýlaveginum og gerði það með stæl.  Tróð sér inn í röðina með frekju.   Ég sá hann svo taka Hafnafjarðarveginn í stjórasvigi á fullri ferð. Hann fór lengst til vinstri og sveigði svo síðan alveg til hægri sitt og hvað á milli bíla til að komast  sem fyrst.  Sá að hann skellti sér síðan upp brekkuna í áttina að Bústaðaveginum.  En þegar ég kom upp í brekkuna þá beið greyið þar ennþá á rauðu ljósi.   

Mér varð hugsað til þekktrar persónu hér í bæ sem var mikill bílaáhugamaður. 

Hann átti að hafa sagt að það skipti sig engu hvort hann legði af stað í vinnuna klukkan tíu mínútur í átta eða tíu yfir átta. Hann væri alltaf komin í vinnuna klukkan átta.   Þess bera að geta að þessi maður átti bara BMW bíla að dýrari gerðinni.  Í þá daga var að vísu annað viðhorf til hraðaksturs en nú er og minni umferð.

Þetta eru snillingar.

Athugasemdir

[Herdís Sigurjónsdóttir, 13.1.2008 kl. 08:51]

Spurning um hvaða áramótaheit þessi frekjuhundur hefur sett sér  

[Linda Ósk Sigurðardóttir (IP-tala skráð) 14.1.2008 kl. 22:53]

Jamm, sennilega þekkir hann ekki tillitsemi, umburðalyndi, virðingu og.......................

[Guðrún Indriðadóttir, 16.1.2008 kl. 20:15]

Þetta hefur klárlega verið ökufantur