Jólamaturinn

Jæja þá er það á hreinu hvað ég ætla að borða um jólin.   Ég var búin að tala oft um að fara austur á land og rölta til fjalla en einhvervegin datt það nú upp fyrir.      Svo til að róa suma þá rölti ég inn í Nóatún í dag og keypti mér nokkrar Skoskar rjúpur (borðist fyrir 09.09).    Já já    ég veit að sumum finnst þetta hálfgert guðlast. En þegar veiðibannið var hér um árið þá smakkaði ég þær skosku og með réttri meðferð þá eru þær næstum því eins góðar og okkar rjúpur.   Svo er ég greinilega farin að linast í þessari sérvisku minni að það VERÐI AÐ VERA EKTA FJALLARJÚPUR í jólamatinn.    En eins og Hjölli sagði hérna um árið og ég vitna oft í:  "Það er sósan sem er aðalmálið".  

Athugasemdir

[arnar valgeirsson, 25.11.2007 kl. 23:43]

já, kallinn, það er sosum hálfaumt að hafa einhverja breska fasana á borðum. en smá villibráðarfílingur er málið.

hefur bara soðin epli og svona með og auðvitað er sósan málið.

og grauturinn á eftir... ef það er pláss. og svo makkíntossið. þetta verður nánast ekta bara.

[Marinó Már Marinósson, 26.11.2007 kl. 00:01]

Betri eftirlíking af rjúpu en hryggur eða hægikjet.      Sé að þú ert alinn upp við ekta sér íslenskan sið hvað varðar jólin.

[Steingrímur Helgason, 26.11.2007 kl. 02:36]

Prófaði þetta einu sinni.

.

[Ásta Steingerður Geirsdóttir, 26.11.2007 kl. 09:32]

Það er nú líka  fremur lítið um fugl fyrir austan núna,  en eins og þú segir þá er það "sósan" hún má ekki klikka annars er ég svo sérvitur að rjúpan sem mér þykir bezt þarf að vera reytt og sviðin, annað er bara eftirlíking.

[Marinó Már Marinósson, 26.11.2007 kl. 10:02]

Steingrímur: og hvernig var? 

Ásta Steingerður:  Þú ættir nú að prófa.    Eins og ég segi, þá er ég frekar sérvitur á þetta en líður bara vel með að borða þær skosku, verst að fá ekki allt með þeim svona til að gera þær sterkari á bragðið en þær eru misjafnar eins og okkar rjúpur. Þetta er nú bara ein máltíð.  

[Anna Bee (IP-tala skráð) 26.11.2007 kl. 17:08]

 Engar rjúpur!!!!  :((((((  verð að viðurkenna að þá eru næstum engin jól í minni fjölskyldu  (a.m.k  milli 18 - 21) 

Engar rjúpur hjá mér þetta árið.   Allar skytturnar sem ætluðu að redda því miður ekki verið mjög hittnar.  Best að vera þá barasta ekki að landinu, hverfa hinum megin á hnöttinn til að komast yfir rjúpusöknuðinn 

[Marinó Már Marinósson, 26.11.2007 kl. 19:40]

Anna mín:)  þú verður bara að gera eins og ég.  Rölta út í búð og kaupa rjúpur.  Þær eru fínar. Bara að passa að hafa ekki of mikið vatn og svo elda við vægan hita.

[Fanney Björg Karlsdóttir, 26.11.2007 kl. 19:42]

Ég skil ekki allveg þessi rjúputrúarbrögð.....en ég er náttúrulega bara úr Hafnarfirði.....

[Marinó Már Marinósson, 26.11.2007 kl. 19:46]

 Segir sú sem ekki hefur smakkað.   Og hvað á þá að eta í sveitinni?  lambakjot með miklu speki? 

[Linda Ósk Sigurðardóttir (IP-tala skráð) 26.11.2007 kl. 20:02]

Gott hjá þér, um að gera að velja það næst besta....ekkert vesen og væl!!!

[Marinó Már Marinósson, 26.11.2007 kl. 20:10]

Sparnaður í akstri.   Engi hætta að villast, nema kannski smávegis um götur bæjarins. En ég þekki Kópavog nú orðið svo vel.  Svo fékk ég mér bara heitt kakó á leiðinni heim.  Ekki amalegt að vera með fullan poka af rjúpum.  Verst að þær voru hamfléttar því annars hefði ég komið við einhversstaðar og montað mig smá á góðri veiðiferð.   

[U (IP-tala skráð) 27.11.2007 kl. 21:34]

Já frændi sæll, rjúpan er aðal!  Og alltaf að elda hana eins. Gleymi aldrei þegar Bergur frændi eyðilagði sósuna með fjandans rauðvíninu. (sem honum þótti ómissandi.) En mér væri svosem sama þótt engin væri rjúpan ef ég fengi súpuna. Fyrir 2 árum vorum við rjúpnalaus, en bróðir færði mér soð í krukku svo hægt væri að búa til súpu. Og þá komu jól í Heiðargerði. Maður er víst ekkert nema vani.           En kærar kveðjur á suðurhelminginn.......

[Marinó Már Marinósson, 27.11.2007 kl. 22:42]

Já frænka, sumum finnst þetta heldur slappt hjá mér.    Pabbi var hálf friðlaus yfir því að ég skyldi ekki vera búin að ná mér í svona 3-4 rjúpur og ég skellti mér bara á þessar skosku til að róa hann enda hef ég borðað þær áður.  Veit að þær eru ekki eins bragðsterkar og verst að geta ekki látið þær hanga smá til að fá smá sterkju í þær.   Já súpan, ég man vel eftir henni þegar ég var krakki en hef ekki lengi fengið.  Soðið er auðvitað best.  

[Marinó Már Marinósson, 27.11.2007 kl. 22:53]

   Bergur frændi var alltaf bráðlátur og hló manna mest af þessu. 

[U (IP-tala skráð) 29.11.2007 kl. 19:46]

Tók bakföll af hlátri, skellti sér á lær.........og sagði enga sósu án rauðvíns!