Flöskusöfnun

Jæja þá var flöskusöfnun hjá Guðbjörgu og bekknum hennar fyrr í kvöld og endilega þurfti að rigna með roki og þvílíku.  Þau eru að safna fyrir Danmerkurferð næsta vor.  Dugleg voru þau.     Settu undir sig hausinn og örkuðu af stað út í náttmyrkrið til að safna.   Við Einar Guðjón vorum svo á vaktinni og sóttum flöskurnar þegar þau voru búin að fylla pokanna hér og þar í austurbænum.  Litli kappinn slær ekkert af við pokaburðinn.   Ókum pokunnum uppí skóla þar sem foreldrarnir töldu allt.   Innkoman í kvöld var rúmlega fimmtíuþúsund og telst það mjög gott miðað við aðstæður úti við.   Hver nemandi fær tvo punkta fyrir að ganga frá kl. 18-22.  Einn punkt fyrir að ganga helming af tímanum.  Foreldrar sem mæta fá 1 punkt fyrir börnin.   Stigin segja til um hve mikið deilst á hvert barn þegar upp er staðið í vor.    Svo held ég að þessu sé samt sem áður jafnað á milli barna því sum eiga ekki möguleika að fá jafnmikla hjálp við söfnunina og því eðlilegt að allir njóti góðs af.