Ráðstefna í dag og vegamerkingar

Alltaf verður maður svo merkilega alþjóðlegur þegar maður situr fund þar sem bara er leyft að tala útlensku.

Fór suður í Bláa lónið í dag og sat þar fund í allan dag um sjúkraflutninga á norðlægum slóðum. 

Að sjálfsögðu var bara talað á ensku og stöku sinnum heyrði maður sænsku og smá íslensku.   Svei mér þá ef það hafi ekki verið bara hálfskrítið að heyra ástkæra tungumálið þegar fundurinn var búinn.   Nei bara smá.  

Þó að veðrið hafi verið fallegt í dag þá ætla ég að nöldra smá yfir lélegum vegamerkingum á Reykjanesbraut vegna vegagerðar þar.  Það er eins og það sé ekki gert ráð fyrir að fólk eigi að ferðast þar um í myrkri eða slæmu skyggni.  Meina:  það er eins og merkingar séu bara gerðar fyrir dagsbirtu.