Flottar myndir hjá Erró

Ég brá mér í Hafnarhúsið í Tryggvagötu í dag og skoðaði nokkrar sýningar sem þar eru í gangi.

Loksins sá ég flottar myndir eftir Erró.  Erró er reyndar algjör snillingur en hann hefur bara ekki verið í uppáhaldi hjá mér. 

http://www.listasafnreykjavikur.is

Eins og segir á heimasíðu safnsins um Errósafnið þá var það að beiðni Parísarborgar að Erró gerði stóra veggmynd á fjölsbýlishús við götuna Baron Le Roy í Bercy hverfinu árið 1993. Veggmyndin er samantekt myndanna átta, Gauguin, Matisse, Magritte, Picasso, Otto Dix, Portrett Expressjónistanna, Léger og Miro frá árunum 1991-1992 sem Erró gaf Reykjavíkurborg um svipað leyti.

Gaman að sjá þessi verk þar sem hann fjallar um t.d. Gauguin og Matisse.  Þetta eru risamyndir og ekki eins ruglingslegar eins og oft áður.  Reyndar finnst mér svörtu línurnar of áberandi í sumum myndunum og taka of mikla athygli.

Hvet alla sem geta að sjá þessa sýningu.

Sýningin My Oz, Roni Horn í Hafnarhúsinu er líka skemmtileg.  

Athugasemdir

[Marta B Helgadóttir, 10.6.2007 kl. 22:34]

[Linda Ósk Sigurðardóttir (IP-tala skráð) 10.6.2007 kl. 23:57]

Ég skil stundum ekkert í þessu tali....expressjónistar, portrett......annað hvort finnst mér myndir bara fallegar eða ekki, svo einfallt er það.

Ég veit hins vegar að myndirnar þínar eru fallegar svo er ekki bara komin tími til að sýna þær, þú faldi listamaður ?

[Marinó Már Marinósson, 11.6.2007 kl. 00:22]

Já Linda mín.  Ég skil stundum ekkert í henni sjálfur.  Horfi á hana eins og hver annar.  Annað hvort er hún þægileg eða torveld.   Falleg eða  ........     

Eins og í tónlist; hver og einn á sýna uppáhalds tónlist.

[arnar valgeirsson, 11.6.2007 kl. 01:10]

fór líka á eina sýningu í dag, gallerý auga fyrir auga, félagi minn úr máli og menningu, bjarki bragason sýndi þar. ljósmyndir að austan. kárahnjúkar og þar í kring. hann er ekki eins æstur yfir virkjuninni eins og þú - eða kannski öfugt.. en gaman að ekki hafi allir sömu skoðanir. er alltaf á leiðinni að sjá cobramálarana en björgólfur sér til þess að það er frítt þar.

Þú misstir nú af aldeilis snilldarsýningu, Uppreisn litarins, í Vin um daginn... einar sjötíu myndir eftir þrjátíu manns. Jebb, aldrei dauður punktur. nema kannski núna enda kominn í tveggja vikna frí.

[Hlynur Hallsson, 11.6.2007 kl. 22:06]

Sæll kæri frændi, þetta eru fínar sýningar og ég er sérstaklega ánægður með Roni Horn. Bestu kveðjur frá Berlín,

[Marinó Már Marinósson, 11.6.2007 kl. 23:15]

Sæll og blessaður frændi, gaman að sjá þig hér.  Hvenær fæ ég svo að sjá sýningu hjá þér?

[Herdís Sigurjónsdóttir, 12.6.2007 kl. 23:53]

Ég sé að það er alveg ljóst að ég verð að skella mér í Hafnarhúsið og hefði nú líka gaman að sýningu hjá þér Marinó.