Er þetta gos á sama stað og sigketillinn sem fannst árið 1999?

Árið 1999 var frétt hérna á mbl.is um að sigketill hafi fundist á Fimmvörðuhálsi.

 

Sigketill finnst á Fimmvörðuhálsi

"Sigketill hefur fundist á Fimmvörðuhálsi en talið er líklegt að jarðhiti hafi myndast þar við umbrotin í Kötlu í sumar og að þau hafi náð yfir stærra svæði en í fyrstu var talið.Ketillinn er 200 til 300 metrar í þvermál og 10-20 metra djúpur. Hann er einum kílómetra vestan við gönguleiðina yfir Fimmvörðuháls, sem liggur á milli Mýrdalsjökuls og Eyjafjallajökuls, og norðan til í hálsinum. Kemur vatn undan honum og rennur í Hvanná og þaðan í Krossá. 

Enginn kannast við jarðhita þar og sigketillinn sést ekki á eldri loftmyndum, að sögn Magnúsar Tuma Guðmundssonar, jarðeðlisfræðings á Raunvísindastofnun Háskóla Íslands." Mbl.is 14.10.1999

Munið ekki eftir fréttum á sínum tíma af auðu blettunum sem sáust á Fimmvörðuhálsi þegar snjór lá yfir öllu?

Gaman væri að vita hvort eldgosið í dag sé á sama stað?

Mældu færslu kvikunnar

Athugasemdir

[Óskar, 21.3.2010 kl. 14:18]

þetta virðist vera á nákvæmlega sama stað já miðað við lýsingar.  Skrítið að enginn vísindamaður talar um þetta.  Kanski hafa þeir bara gullfiskaminni eins og kjósendur.

[Marinó Már Marinósson, 21.3.2010 kl. 14:33]

Já Óskar. Þetta er athyglisvert.

[Marinó Már Marinósson, 21.3.2010 kl. 14:59]

Set inn slóð af síðu Óskars. Sá spáði fyrir um gosið 3 tímum áður en það hófst í gærkvöldi.

http://www.malefnin.com/ib/index.php?showtopic=120489&st=150

Ég segi það sama; hvað hefði gerst ef gosið hefði byrjað undir jökli og enginn hefði orðið var við það og það um hánótt? Vil ekki hugsa það til enda.