Gat nú verið

Við erum snillingar að búa til regluverk.   

Þegar bensínið hækkaði um daginn, þá nefndi einhver ráðherra að betra væri að hvetja landann að kaupa vistvæna bíla en að lækka bensíngjaldið. Hvað eiga þeir að gera sem sitja uppi með óseljanlega bíla? Ekki kaupa þeir vistvæna bíla á meðan?

 Af hverju ætli salan á rafmagnsvespum og rafmagnshjólum sé svona mikil eins og hún er í dag?   Jú, mjög margir eru að leita að rauhæfum kosti til að komast á milli staða. Svo hafa þessar vespur leyst af "skutlferðir" foreldra í mörgum tilfellum.  Hvað er að því þó svo að krakkagreyin noti þessar skutlur á göngustígum.   Ekki er nú hraðinn mikill á þeim.

Sjálfur á ég rafmagnshjól og finnst það meiriháttar valkostur.   Frábært að hafa val um hvort ég nota fótstigið eða láta rafmangið bera mig áfram ef þannig ber við.  

En ekki vildi ég eiga rafmagnsvespu í dag  ef ætlunin er að skrá þær í skráningarflokkinn með skellinöðrum.    Þær ná aldrei sama hraða og skellinöðrur og eiga ekkert erindi út á götur.

Ef þessi reglugerð fer í gegn, þá er verið að jarða þessar vespur og um leið að hækka verð á þeim og um leið á rafhjólum. Þetta er bara dulbúin gjaldtaka.

Ekkert að því að takmarka "eitthvað" aldur á þær, t.d. að fermingaaldur sé viðmið. 

Oft hef ég velt því fyrir mér hví fullorðnir séu ekki líka skyldugir til að nota reiðhjólahjálm. Geta ekki fullorðnir líka slasast, á höfði? Af hverju var þá ekki gengið alla leið varðandi hjálmanotkun á sínum tíma?  

Sumar reglur er bara fyndnar. Tökum dæmi um byssueign.    Ef þú átt fjórar byssur, þá verður þú að eiga læstan "byssuskáp" en ef þú átt þrjár byssur þá er í lagi að sleppa skápnum.   Ég spyr: er hættulegra að eiga fjórir byssur en þrjár?  

Nú á að láta veiðimenn, sem sem eru svo heppnir að vera dregnir út til að veiða hreindýr, að taka próf til að sjá hvort þeir hitti í skotmark.  Ég segi til hvers er verið að gefa út byssuleyfi til að nota byssur ef viðkomandi er ekki hæfur til að nota þær? Eru ekki veiðivörður með í för sem eiga að grípa inn í ef dýrið særist. Mætti þá ekki spara veiðiverðina.    

Það er ekki öll vitleysan eins.    

Herða reglur um nýju fararskjótana

Skordýr

Já haldið að það sé.. Ætli tollayfirvöld viti af þessum nýju gestum?

Í raun arfavitlaust að flytja mold til landsins.   Er ekki til nóg af henni hér?  

Fiðrildalirfur, þúsundfætlur og garðaklaufhali

Eldur við Kleifarvatn

"Slökkviliði Grindavíkur barst óvænt hjálp við slökkvistarf á heiðinni austan við Kleifarvatn eftir hádegið. Starfsmenn Þyrluþjónustunnar eru að búa sig undir að fara í loftið og verður sérstök fata notuð til að freista þess að slökkva gróðureldana. Vatn verður sótt í Kleifarvatn og ausið yfir eldinn".   .... 

og Gæslan búin að eyða öllum peningum. Ekkert þyrluflug að óþörfu.   

Eru þetta kannski ekki stórtíðindin sem sjáandinn sá fyrir að yrðu við Kleifarvatn? Eitthvað stórmerkilegt myndi gerast á þessu svæði.   Spyr sá sem ekki veit.  

Þyrluþjónustan til bjargar

Fuglasöngur þagnar aftur í Fossvogsdal

Enn og aftur var vaðið af stað of snemma í Fossvogsdalinn til að slá gras.    Ég segi þetta af því að enn liggja fuglar á hreiðrum og því leitt að sjá slátturvélarnar vaða yfir svæðið í gær þar sem mófuglar verpa.

Í fyrra var sami háttur hafður á og það má segja að fuglasöngurinn hafi þagnað í dalnum eftir það.

Sama gerist núna í ár, sýnist mér.    

Ætla að senda Kópavogsbæ línu og biðja menn þar á bæ að hafa þetta í huga framvegis. 

Þvaglegt próf!

Ja hérna.   Allt er nú hægt að mæla.   Nú er það plastflöskurnar.   Nýjasta rannsóknin sýnir að þeir sem drekka úr flöskum úr pólýkarbónatplasti hafa mun hærri styrk af Bisfenól-A (BPA) í þvagi en þeir sem ekki drekka úr slíkum flöskum.   Það sem ég segi.  Lítil Kók og "pilli í brán" eru alltaf bestir.  

Er þá glerið ekki grænna en plast?

Plastefni mælist í þvagi