Ætluðu Bandaríkin að kaupa Ísland árið 1870?

Það er sagt að bestu kaup veraldar fyrr og síðar hafi átt sér stað þegar Bandaríkjamenn keyptu Alaska af Rússum árið 1867 fyrir aðeins 7,2 milljón dollara.  Á þeim tíma voru þessi kaup álitin hin mestu ruglkaup enda Alaska bara auðn sem enginn hafði áhuga á.

Ég man eftir því að hafa lesið grein í Lesbók Morgunblaðsins um þetta mál þegar ég var ungur. Ég var þá staddur í bókaherbergi afa míns og var að fletta gömlum blöðum sem hann átti og rak augun í grein eftir íslenskan mann sem var að skrifa um kaup Bandaríkjamanna á Alaska.  Svo fór ég að rifja upp að í þessari sömu grein (að mig minnir) hafi komið fram að Benjamín nokkur (man ekki seinna nafnið) hefði samið skýrslu þar sem fram kom hugmynd um að Bandaríkin myndu kaupa bæði Ísland og Grænland af Dönum en sem betur fer náði það ekki fram að ganga.   Þar var sagt að kaupin á Alaska hafi verið of stór biti, enda 7 milljón dollarar miklir peningar í þá daga, svo hugmyndin um kaup á öðru einskynsmannslandi var snarlega mokað út af skrifborðinu.

Þegar ég var í Seattle 1984 þá heyrði  ég þá kenningu að Alaska hefði bara verið keypt til að gera Bretum lífið leitt en Bretar stýrðu Kanada á þessum tíma og voru nýbúnir að tapa stríðinu í Bandaríkjunum og það hafi pirrað suma í USA að vita af Bretunum þarna rétt norðan við landamærin.  

Ekki í fyrsta sinn sem litlu mátti muna að Ísland eignaðist nýjan húsbónda því það er vitað að Bretar veltu fyrir sér að hernema landið í byrjun 19 aldar þegar þeir voru í Napoleonsstríðinu við Frakka af því að Danir stóðu með Frökkum.  

En í dag er staðan önnur og má kannski velta því fyrir sér hver staðan væri í heiminum í dag ef kaupin á Alaska hefðu ekki orðið að veruleika.   Kannski hefur Alaska reddað landinu út úr olíukreppunni (fyrri) þegar olíuleiðslan var lögð þvert yfir fylkið til að anna eftirspurn Bandaríkjamanna!  Var ekki í fréttum núna um daginn að Bush vildi ólmur fara í nýjar olíulindir þarna norðurfrá og leggja aðra leiðslu þvert yfir Alaska svo þeir verði ekki eins háðir olíunni í Miðausturlöndum? 

Það má kannski segja að Rússar hafi gert heiminum ómeðvitaðan greiða með því að selja Alaska!  Hvað hefði gerst ef Rússarnir hefðu ekki selt?  Ég held að þá væri t.d. hasarinn í Arabaríkjunum enn meiri og olíuverð mun hærra. Þetta er jú forðabúr Bandaríkjanna í vissum skilningi.

Það skal tekið fram, að þetta eru bara vangaveltur hjá mér og ekki nákvæm frásögn. Það væri gaman að grafa upp þessa grein til að segja nánar frá eða hafa link inn á, ef hún er til á netinu. 

Athugasemdir

[Hrönn Sigurðardóttir, 29.4.2008 kl. 22:55]

Heyrðu..... þegar þú segir það - ég er ekki frá því að ég hafi lesið einhverja svona grein eða svipaða

Varstu í Seattle 84?

[Marinó Már Marinósson, 29.4.2008 kl. 23:40]

Já 83-84  rúmt ár.   Sjálfboðaliði. 

[Herdís Sigurjónsdóttir, 30.4.2008 kl. 08:57]

skemmtileg pæling félagi... Já svo þegar þú fórst frá Seattle, þá kom ég og var '85-'86 . Hvar í borginni bjóstu?

[Marinó Már Marinósson, 30.4.2008 kl. 12:49]

Marine View Drive, rétt við flæðarmálið.    Rétt sunnan við Normandy Park.  Tók ferjuna á hverjum degi yfir til Bremerton og ók þaðan til Seabeck í vinnuna.

[Marinó Már Marinósson, 30.4.2008 kl. 15:12]

Bara nokkuð?   

[arnar valgeirsson, 1.5.2008 kl. 13:08]

þú hefur nú alltaf verið nettur kani í þér og myndir fíla að við værum stjarna í röndóttum fána.

en rétt hjá þér, ef rússar ættu þetta enn væri styrjöldin hugsanlega á öðrum stað. og við værum óbreyttir byssustrákar að verja leiðslur.....

[Marinó Már Marinósson, 1.5.2008 kl. 15:53]

Bull og kjaftæði Arnar!  Þoli ekki ameríska bensínháka lengur.    En ég hafði ekki hugsað út í þetta til enda með stjörnuna.    Þá værum við orðnir óvinir Færeyinga, kannski?   Eað fékkstu þér of mikinn öllara í gærkveldi eftir að ég fór heim?