Hjólabrettabraut í Fossvogsdal

Framhaldsaga af hjólabrettabrautinni.   Eins og ég sagði frá hér fyrir nokkrum dögum, þá skrifaði strákurinn minn bæjarstjóranum í Kópavogi bréf uppá sitt einsdæmi og bað um eitt stykki braut fyrir hjólabretti í hverfið þar sem við búum.   

Jæja viti menn. Þegar ég, ásamt börnunum mínum vorum að koma heim í gærkvöld, þá tekur dóttir mín eftir því að það er komin þessi glæsilega braut rétt við Fossvogsskóla niðri í Fossvogsdalnum. Litli kappinn var snöggur í brettabúnaðinn og hlífar og var rokinn af stað niður í dal áður en ég vissi af.

Ég hugsaði: Helv... voru þeir snöggir hjá Kópavogsbæ að svara bón stráksa.  "Sko, hvað sagði ég"   En dóttir mín var nú fljót að átta sig á því að þessi braut væri alls ekki í Kópavogi heldur í Reykjavík.   Jæja, hugsaði ég,  Björn Ingi og Vilhjálmur borgarstjóri hafa örugglega lesið bloggið mitt og brugðist skjótt við eða þannig.   

Ég þykist vita að það tekur auðvitað sinn tíma fyrir bæjaryfirvöld að fara í gegnum umsóknir og samþykktarferli fyrir svona leiksvæði og Kópavogsbær þarf sinn tíma í það. En þeir gætu nú samt svarað stráknum að málið væri í skoðun.

En hvað um það. Nú röltir hann bara yfir í næsta bæjarfélag til að renna sér í brautinni. Flott að að skreppa yfir Dalinn til að renna sér þarna hjá Villa og co.  Þessi braut (Rampur) er rosalega flott.  Hugað að öllum öryggisatriðum.

Flott framtak.

 

Athugasemdir

[Linda Ósk Sigurðardóttir (IP-tala skráð) 21.6.2007 kl. 15:47]

Gott að heyra  

Vona samt að stráksi fái svar frá þeim sem pósturinn var stílaður á !

[Marta B Helgadóttir, 21.6.2007 kl. 16:32]

Meira að segja jólasveinninn svarar bréfum barna sem skrifa honum svo þessir aðilar ættu þá að ráða við það að senda drengnum svar þó hann hafi ekki kosningarétt ...

[Guðbjörg (IP-tala skráð) 21.6.2007 kl. 17:11]

Hææ

Loksins breytiru þessu En jaa þetta var nú flott núna getur maður slappar af út í solbaði á meðan Einar er úti og kemur heim í mad og svo aftur út En gnagi þer vel mee bloggið

[Herdís Sigurjónsdóttir, 21.6.2007 kl. 23:04]

Já mikið er nú súrt að honum sé ekki svarað, það er stutt í kosningaréttinn. Mynd takk, af reykvíska rampnum.