Hlaupársdagur

Ap, jún, sept, nóv þrjátíu hver,
einn til hinir kjósa sér.
Febrúar tvenna fjórtán ber
frekar einn þá hlaupár er.

Afi minn, Einar Guðmundsson frá Skáleyjum í Breiðafirði, átti afmæli á þessum degi, en hann var fæddur 29. febrúar árið 1888.   

Það er fín grein hjá bloggvini mínum honum Ágústi H. Bjarnasyni um þennan merkilega dag.

http://agbjarn.blog.is/blog/agbjarn/

Einnig fann ég aðra síðu um þennan dag:

http://skorungurinn.blogspot.com/2008/02/hlauprsdagur.html

Athugasemdir

[Hlynur Hallsson, 29.2.2008 kl. 12:44]

Til lukku með afmæli afa þín kæri frændi. Þetta er góður dagur til að eiga afmæli á. 1888 var líka ágætis ár. Bestu kveðjur,

[Hlynur Hallsson, 29.2.2008 kl. 12:53]

Þetta átti að vera "...afa þíns". stundum er maður of öruggur með þennan "púka" og les ekki almennilega yfir það sem maður skrifar:) Bestu kveðjur aftur og takk fyrir tenglana,

[Herdís Sigurjónsdóttir, 29.2.2008 kl. 15:13]

Já það er alltaf eitthvað skemmtilegt við þennan dag.... en dóttir mín var samt ekki ánægð með þessa viðbót í ár. Spangirnar verða nefnilega teknar þann 12. mars .

Góða helgi Marinó minn, nú fer bráðum að koma í heimsókn í Efstaleitið.

[Ágúst H Bjarnason, 29.2.2008 kl. 16:44]

Einar B Pálsson verkfræðingur á afmæli í dag. Hann er fæddur árið 1912 og ber aldurinn einstaklega vel. Ég spjallaði við Einar á árshátíð fyrir fáeinum vikum, en þar dansaði hann manna mest.   

[Marinó Már Marinósson, 2.3.2008 kl. 17:26]

Hlynur.  Svona er þetta, frændi.  Gaman að vita af þér hér.

Herdís.  Já láttu sjá þig í E9 sem fyrst.

Ágúst.   Þeir sem lifa heilsusamlegu lífi eldast vel.  Pabbi minn verður 85 ára á morgun (3. mars) og hann er sko hress.

 Berglind Eva.   Takk fyrir kveðjuna.