Jólin nálgast

Jæja, þá nálgast jólin.  já já ennþá tími fyrir ykkur að klára jólainnkaup og allt það.  Annars eru ótrúlega margir búnir að skreyta nú þegar jólatréð.    

Í þetta sinn ætla ég og krakkarnir austur á land og njóta jólanna með foreldrum mínum að þessu sinni.   Ætla að lána húsið á meðan, svo blómin verða í góðum höndum.     Ætla að njóta þess að halda áfram að gera ekki neitt nema að vera ekki fyrir neinum.   Reyna að lesa góða bók, vera duglegur að hreyfa mig og gera eitthvað gott.  Jú og reyna að sinna einhverju andlegu líka.    Stefni að því að byrja að vinna að nýju eftir áramótin eftir langt frí ef allt gengur upp.

Vonandi komið þið til með að eiga góða stund um vinum og vandamönnum, hvar sem þið verðið stödd um hátíðarnar.   

Þó það séu enn fimm dagar til jóla þegar þetta er skrifað þá óska ég ykkur öllum gleðilegra jóla og þakka ykkur fyrir stundirnar hér á blogginu.  

Næstu skref á blogginu verða bara að koma í ljós síðar.    

Gleðileg jól    

Athugasemdir

[Hrönn Sigurðardóttir, 19.12.2008 kl. 10:57]

Þegar þú segir sinna einhverju andlegu - hvernig gerirðu það þá? Sorrí ekki illa meint - er bara forvitin.... en það ættirðu þú að vita núna ;)

Annars! Gleðilega jól. Eigðu góða göngutúra, lesist þér vel og varaðu þig á reykta matnum

[Marinó Már Marinósson, 19.12.2008 kl. 11:42]

Hugsa extra jákvætt, lesa jákvætt og þannig.  

[Hrönn Sigurðardóttir, 19.12.2008 kl. 12:17]

ok - þú ert góður í því

[Fanney Björg Karlsdóttir, 19.12.2008 kl. 13:32]

Gleðilega jólahátíð kæri vin... njóttu ferðarinnar og dvalarinnar á æskuslóðum....passaðu þig á jólasveinunum þeir ku vera asskoti beittir á þessum slóðum....

[Marta B Helgadóttir, 19.12.2008 kl. 18:54]

Gleðileg jól til þín og fjölskyldunnar þinnar Marinó.

Eigðu góðar stundir um hátíðarnar og njóttu vel.

[arnar valgeirsson, 20.12.2008 kl. 17:21]

færðu hreindýr?

jamm, hafðu það gott fyrir austan og gleðilegar stundir.

[Guðrún Indriðadóttir, 20.12.2008 kl. 20:01]

Gleðileg jól Marinó+börn það verður flott fyrir þig að skella þér á Austurland og njóta jólanna með pabba þínum og mömmu það er alltaf best og kemur manni til að hugsa til þess tíma þegar maður var barn og þá var alltaf svo gaman. Sjáumst á nýju ári